Reels साठी पोरांनी महागड्या कार चोरल्या, सोशल मीडियावर घालायचा होता धुमाकूळ, आता बेड्या पडल्या

- अक्षय गवळी

सोशल मीडियावर धुमाकूळ घालण्यासाठी अकोल्यात काही शाळकरी मित्रांनी एक वेगळा फंडा केला खरा पण ताे त्यांच्या चांगलाच अंगलट आला. रिल्स बनवण्यासोबतच फक्त मौज-मजेसाठी 4 अल्पवयीन मुलांसह एका युवकाने चोरीचा मार्ग निवडला. या पाच जणांनी थेट अकोल्यातल्या एमआयडीसी भागातील एका कारच्या शोरुमवर डल्ला मारत चक्क महागड्या 3 कार चोरल्या. दरम्यान पाेलिसांनी पाचही जणांना ताब्यात घेत त्यांच्याकडून 70 लाखांचा मुद्देमाल जप्त केला आहे अशी माहिती पोलिस अधिक्षक बच्चनसिंग यांनी साम टीव्हीशी बाेलताना दिली. (Maharashtra News)

सर्व सशंयित चाेरट्यांनी कार चाेरल्यानंतर या कारसह ते महार्गावर व्हिडिओ शूट करत हाेते. त्यावेळी 120 पेक्षा जास्त वेगानं वाहन चालवत असताना त्याचं हे बिंग फुटलं. विशेष म्हणजे कार चोरणारे सर्व अल्पवयीन मुले चांगल्या कुटुंबातील आहेत. नामांकित शाळेत शिक्षण घेताहेत. मात्र, इतर मित्रांवर वर्चस्व सिद्ध करण्यासाठी आणि सोशल मीडियावर रील्स बनवण्यासाठी त्यांनी केलेले चुकीचे धाडस त्यांच्या अंगलट आले.

पाेलिसांनी दिलेल्या माहितीनूसार या प्रकरणी मिर्झा उबेद बेदमिर्जा सईद बेग या युवकासह चाैघा अल्पवयीन मुलांवर कारवाई केली आहे. त्यांच्याकडून तब्बल 70 लाखांहुन अधिक मुद्देमाल जप्त करण्यात आला आहे.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

Edited By : Siddharth Latkar