Nagpur Police Bomb Treat: बॉम्बच्या धमकीनं नागपुरात खळबळ; अटक केली म्हणून पोलीस स्टेशन उडवण्याची धमकी

पराग ढोबळे, साम प्रतिनिधी

पोलीस हेल्पलाइन नंबर ११२वर पोलीस स्टेशन आणि पोलीस वसाहत उडवून देण्याची धमकी आली. बॉम्बने उडवून देण्याच्या धमकी आल्यानंतर खळबळ माजली होती. धमकीच्या कॉल आल्यानंतर पोलिसांनी तपासाची चक्रे फिरवत धमकी देणाऱ्याला एकाला काटोल पोलिसांनी अटक केलीय. चेतन रामदास बानाईत, असं अटक करण्यात आलेल्या आरोपीचे नाव आहे.

३२ वर्षीय चेतन याने नागपूर जिल्ह्यातील काटोल पोलीस स्टेशन तसेच नागपूर ग्रामीण पोलीस वसाहत बॉम्बने उडवून देण्याची धमकी दिली होती. आरोपीची चौकशी केल्यानंतर त्याने धक्कादायक खुलासा केला. चेतनने मंगळवारी रात्री पोलीस हेल्पलाइन नंबर ११२ वर दोनदा कॉल केला. दोन्ही फोन कॉलवर त्याने वेगवेगळी धमकी दिली.

पहिल्या फोन कॉलवर त्याने काटोल पोलीस स्टेशन उडवून देण्याची धमकी दिली. तर दुसऱ्या फोनवर नागपूर ग्रामीण पोलीस वसाहत बॉम्बने उडून देण्याची धमकी दिली होती. त्यानंतर काटोल पोलिसांनी लागलीच त्याचा शोध घेत त्याला ताब्यात घेतलं.

का दिली धमकी

मागील महिन्यात काटोल पोलिसांनी चेतनला अमली पदार्थ सेवन केल्यामुळे अटक केली होती. त्याचा राग मनात धरत त्याने फोन कॉल करत बॉम्बची धमकी दिली. मंगळवार रात्री ११२ वर संपर्क करत त्याने चक्क पोलीस स्टेशन उडवून देण्याची धमकी दिली. त्यानंतर पोलीस वसाहत उडवण्याची धमकी दिली होती.

डॉक्टरचं नर्ससोबत अनैतिक संबंध, भुलीचं इंजेक्शन दिलं अन्

उत्तर प्रदेशातील बरेली येथे अवैध संबंध लपवण्यासाठी डॉक्टरनं नर्सला भुलीचं इंजेक्शन दिले नंतर तिला गाडीनं चिरडून मारण्याचा प्रयत्न केला. गंभीर जखमी झालेल्या महिलेचा उपचारादरम्यान मृत्यू झाला. माहिती मिळताच पोलिसांनी आरोपी डॉक्टरला बेड्या ठोकल्या आहेत.