Mumbai Crime: बर्थडे पार्टीत रक्तरंजित थरार; बाचाबाचीनंतर मित्रांवर चाकूने सपासप वार

मनोज तांबे, साम प्रतिनिधी

वसईच्या पापडी येथील मोकळ्या जागेत साजरा केल्या जाणाऱ्या बर्थडे पार्टीत रक्तरंजित थरार उडालाय. वाढदिवसाच्या पार्टीत दोन मित्रांमध्ये भांडण झाले. यातील एकाने दोन जणांवर चाकूने हल्ला करत त्यांना जखमी केलं. यातील एकाचा मृत्यू झाल्याची घटना वसईतील पापडी येथे घडलीय.

मिळालेल्या माहितीनुसार,या मित्रांमध्ये क्षुल्लक कारणावरून वाद झाला होता. त्यानंतर एका दोन जणांवर चाकू हल्ला केलाय. यात एका मुलाचा जागीच मृत्यू झालाय. आकाश पवार (३०) असं मृत झालेल्या मुलाचे नाव आहे. तर दुसऱ्या एका मुलाला वसईच्या रुग्णालयात दाखल करण्यात आले आहे. पोलिसांनी दिलेल्या माहितीनुसार वाढदिवसाच्या पार्टीत तीन जणांमध्ये क्षुल्लक कारणावरून बाचाबाची झाली.

या बाचाबाचीचे रुपांतर भांडणात झालं. यानंतर एकाने दोन जणांवर चाकू हल्ला केला. मनोज पांडे (३७) असं चाकू हल्ला करणाऱ्याचे नाव आहे. रविवारी रात्री साठेआठच्या सुमारास ही हत्याची घटना घडली. आरोपी मनोज पांडे आणि राहुल भुरकंड यांच्यावर रुग्णालयात उपचार सुरू आहेत.