पुण्यात १६ वर्षीय अल्पवयीन मुलीवर ब्लॅकमेल करून लैंगिक अत्याचार
पीडित मुलगी ११ वर्षांची असल्यापासून सुरु होते अत्याचार
नराधम संजय कुलकर्णीला अटक
आरोपीवर लैंगिक अत्याचारापासून बालकाचे संरक्षण कायदा व बलात्काराचा गुन्हा दाखल
विद्येचं महेर घर असलेल्या पुण्यातून धक्कादायक बातमी समोर आली आहे. पुण्यातील १६ वर्षीय विद्यार्थिनीचे कपडे बदलतानाचे फोटो काढत ते प्रसारित करण्याची धमकी देऊन तिच्यावर पाच वर्षे लैंगिक अत्याचार करण्यात आले. धक्कादायक म्हणजे हे प्रकरण पीडित मुलगी ११ वर्षांची असल्यापासून सुरु होती. याप्रकरणी पुणे पोलिसांनी नराधम संजय चिदंबरम कुलकर्णीला (४४ वर्ष) अटक केली आहे. या घटनेने पुणे शहर हादरले असून सुसंस्कृत पुण्यात घडणाऱ्या या घटनांनी सुरक्षा व्यवस्थेवर प्रश्न निर्माण केला आहे.
मिळालेल्या माहितीनुसार, २०१९ ते जुलै २०२५ दरम्यान हा प्रकार घडला. नराधम संजयचा पीडितेच्या कुटुंबाशी परिचय असून त्याचा गैरफायदा घेऊन आरोपीने पीडित मुलगी ११ वर्षाची असताना तिचे कपडे बदलतानाचे फोटो काढले. ते फोटो दाखवून तिला ब्लॅकमेल केलं. तसेच सलग पाच वर्ष तिच्यावर लैंगिक अत्याचार केले. याशिवाय आरोपीने कारमध्ये पीडितीचा विनयभंग केला.
आरोपी संजय कुलकर्णी विरोधात १६ वर्षीय मुलीने भारती विद्यापीठात तक्रार दिली होती, या तक्रारीवरून पोलिसांनी यााप्रकरणी गुन्हा दाखल केला आहे. तसेच आरोपीला अटक केली आहे. याप्रकरणी आरोपी विरोधात लैंगिक अत्याचारापासून बालकाचे संरक्षण कायदा व बलात्काराचा गुन्हा दाखल करण्यात आला आहे.
दरम्यान, याप्रकरणी आता भारती विद्यापीठ पोलिसांनी गुन्हा दाखल केला आहे. तसेच आरोपीला अटक केली आहे. अधिक तपास सुरु असल्याचं पोलिसांनी सांगितलं आहे. आरोपीला लवकरच न्यायालयात सादर केलं जाणार आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.