संतापजनक ! ४० वर्षाचा नराधम चिमुरडींना बनवायचा शिकार; मुलीवर अत्याचार केल्यानंतर पाप धुण्यासाठी कुंभमेळ्यात गेला अन्...

मध्य प्रदेशमधून एक धक्कादायक बातमी समोर आली आहे. तेथे एका ११ वर्षीय मुलीवर बलात्कार करुन तिची हत्या करण्यात आली होती. पोलिसांनी त्या आरोपीला अटक केली आहे. यापूर्वी २००३ मध्ये आरोपीने चक्क ५ वर्षाच्या मुलीवर बलात्कार केला होता. त्या प्रकरणामध्ये त्या आरोपीला १० वर्षांची तुरुंबवासाची शिक्षा सुनावण्यात आली होती. २०१३ मध्ये शिक्षा भोगून आरोपी बाहेर आला.

क्रुरतेचा कळस! आरोपी बाहेर येऊन त्यानी आष्टा (सिहोर) येथील एका ८ वर्षाच्या मुलीवर बलात्कार केला. या प्रकरणात त्या आरोपीला कनिष्ठ न्यायालयाने मृत्यूदंडाची शिक्षा सुनावली होती. २०१९ मध्ये उच्च न्यायालयाने त्या आरोपीची निर्दोष मुक्तता केली. ओळख परेडमध्ये मुलीसोबत तिचे वडीलही उपस्थित होते आणि त्यामुळे मुलीला आमिष दाखवले जाऊ शकते या कारणावरून त्याला निर्दोष मुक्त करण्यात आले. १ फेब्रुवारी २०२५ रोजी नरसिंहगड (राजगड) येथे ११ वर्षांच्या मूकबधिर मुलीवर बलात्कार आणि हत्येप्रकरणी पोलिसांनी रमेशला अटक केली आहे.

मध्य प्रदेश पोलिसांनी ११ वर्षांच्या मुलीवरील बलात्कार आणि हत्येच्या प्रकरणी तपास सुरू केला. पोलिसांनी ७९ संशयितांची चौकशी केली आणि ७०० हून अधिक फोन नंबर ट्रॅक केले. आरोपीचे वर्णन मिळाल्यानंतर, पोलिसांनी नरसिंहगड बस स्टँडवर लाल शाल घातलेल्या, निळ्या-काळ्या रंगाचे स्पोर्ट्स शूज घालणाऱ्या व्यक्तीला पाहिले. एक ऑटो चालकाने पोलिसांना सांगितले की आरोपी संध्याकाळी ६ वाजता नरसिंहगडला पोहोचला होता.

पोलिसांच्या तपासानंतर समजले की आरोपी कुंभमेळ्याला गेला होता. आरोपी १६ आणि २७ वर्षांच्या दोन मुलांचा पिता आहे, ज्यांच्यावर त्याची वाईट नजर होती. बलात्कार आणि हत्येच्या आरोपीला पकडण्यासाठी १६ पथकं तपासात गुंतली होती. बुधवारी सकाळी आरोपीला अटक करण्यात आली. पोलिसांनी ९ जिल्हे आणि १७ रेल्वे स्थानकांवर शोध घेतला.

१६ दिवसांनंतर आरोपीला अटक करण्यात यश मिळालं. त्याच्या शोधात ४०० तासांचे सीसीटीव्ही फुटेज तपासण्यात आले. पोलिसांनी शाजापूर, उज्जैन, नीमच, रतलाम, प्रयागराज, जयपूर, भोपाळ, विदिशा आणि सिहोरमध्ये छापे टाकले, पण आरोपी त्याचे ठिकाण वारंवार बदलत होता. आरोपी रमेश २००३ ते २०१३ दरम्यान तुरुंगात होता.