Crime News : चारित्र्यावर संशय घेत पत्नीसह पोटच्या मुलांची हत्या; तीन दिवस मृतदेहांसोबत राहिला अन्...

Lucknow :

लखनऊमधून तिहेरी हत्याकांडाची एक विचित्र घटना समोर आली आहे. एका पतीने आपल्या पत्नीच्या चारित्र्यावर संशय घेत तिची हत्या केली आहे. पत्नीची हत्या केल्यानंतर नराधमाने आपल्या पोटच्या दोन मुलांना देखील संपवले आहे. सदर घटनेमुळे संपूर्ण परिसरात एकच खळबळ उडाली आहे.

पोलिसांनी दिलेल्या माहितीनुसार, बिजनौर परिसरातील सरवण नगर भागात ही घटना २८ मार्च रोजी घडली. राम असं आरोपी पतीचं नाव आहे. तर पत्नी ज्योती (३०) पायल (6) आणि आनंद (3) अशी मृत आई आणि मुलांची नावे आहेत. नराधमाने या तिघांची हत्या केल्यावर तो तीन रात्र मृतदेहांसोबतच तिथे राहिला.

राम आणि ज्योती यांच्या लग्नाला ७ वर्षे झाली होती. मात्र राम ज्योतीवर सतत संशय घ्यायचा. ती फोनवर बोलत असताना राम आल्यावर घाबरायची आणि फोन कट करायाची. त्यामुळे रामचा संशय आणखी वाढत होता, असं त्याने पोलिसांना सांगितलं आहे.

२८ मार्च रोजी देखील या कारणावरून त्या दोघांमध्ये चोरदार भांडणे झाली. त्यानंतर रामने आपल्या दोन लहान मुलांसमोरच आपल्या पत्नीची हत्या केली. त्याने ओढणीने पत्नीचा गळा आवळला आणि तिला संपवलं. मुलांनी हे सर्व पाहिल्याने ते पोलिसांना सर्व खरं सांगतील आणि आपण अडचणीत येऊ हे समजताच त्याने आपल्या मुलांची देखील हत्या केली.

३ दिवस त्याने मृतदेह घरातच ठेवले. कुटुंबातील सर्वजण होळीमुळे गावी गेले आहेत, असं त्याने शेजारच्या नागरिकांना सांगितलं. मात्र तो काही वेळासाठी बाहेर गेला तेव्हा शेजारच्या व्यक्तीला त्याच्या घरातून वास येऊ लागला. त्याने दरवाजा उघडून पाहिले तेव्हा घरामध्ये तीन मृतहेद पडले होते. त्याने तात्काळ पोलिसांना याची माहिती दिली. पोलिसांनी कसून चौकशी केल्यावर पतीने आपण केलेल्या गुन्ह्याची कबुली दिली आहे.