jalna Shocking : जालना हादरलं! आश्रम शाळेत मध्यरात्री 8 वर्षांच्या मुलाची हत्या, धक्कादायक कारण आलं समोर

अक्षय शिंदे, साम टीव्ही

जालना : जालन्यातून खळबळजनक घटना समोर आली आहे. जालन्यात किरकोळवादातून निवासी आश्रम शाळेतील 8 वर्षाच्या मुलाची हत्या झाल्याची घटना घडली आहे. मुलांच्या वस्तीगृहात राहणाऱ्या दोन अल्पवयीन विद्यार्थ्यांनी दोरीने गळा आवळून ८ वर्षांच्या मुलाची हत्या केली आहे. जालन्यातील भोकरदन येथील गणपती विद्यालय निवासी आश्रम शाळा वसतिगृहात ही घटना घडली आहे.

काँग्रेस जिल्हाध्यक्ष राजेभाऊ देशमुख यांच्या मालकीच्या संस्थेत हा खळबळजनक प्रकार घडला आहे. या प्रकरणानंतर भोकरदन पोलिसांनी मोठी कारवाई केली आहे. पोलिसांनी दोन विधीसंघर्ष बालकांना ताब्यात घेतलं आहे.

नेमकं काय घडलं?

जालन्यातील भोकरदन येथील गणपती विद्यालय निवासी आश्रम शाळेच्या वस्तीगृहामध्ये किरकोळ वादातून एका आठ वर्षीय विद्यार्थ्यांची दोरीने गळा आवळून हत्या केली. बालवीर पवार असं मृत विद्यार्थ्याचे नाव आहे. मध्यरात्री बारा वाजेच्या सुमारास किरकोळ वादातून वस्तीगृहात सोबत राहणाऱ्या 8 वर्षीय आणि 13 वर्षीय दोन दोन अल्पवयीन विद्यार्थ्यांनी या आठ वर्षीय विद्यार्थ्यांचा दोरीने गळा दाबून हत्या केल्याचं उघडकीस आलं आहे.

याप्रकरणी भोकरदन पोलिसांनी दोन विधीसंघर्ष बालकांना ताब्यात घेतलं आहे. या दोघांनी या हत्येची कबुली दिल्याची माहिती जालन्याचे पोलीस अधीक्षक अजयकुमार बन्सल यांनी दिली आहे. खेळताना झालेल्या वादातून ही हत्या झाल्याची माहिती समोर आलं आहे. या प्रकरणी पोलिस अधिक तपास करत आहेत.