Affordable Living : अवघ्या १०० रुपयांमध्ये मिळतोय अलिशान बंगला; कसा कराल अर्ज? जाणून घ्या

तुम्हाला परदेशात शांत, ऐतिहासिक ठिकाणी राहायचं स्वप्न असेल, तर फ्रान्समध्ये राहायची सुवर्ण संधी आहे. तुम्हाला फ्रान्समधील Puy-de-Dôme येथील Ambert या शहरात अवध्या १ युरोमध्ये घरे दिली जात आहेत. मात्र, एक अटक आहे. तुम्हाला घराचं नुतनीकरण करावे लागेल. तुम्हाला किमान ३ वर्षे तरी घरात राहावं लागेल.

Ambert शहर हे Lyon पासून जवळपास १३४ किलोमीटर अंतरावर आहे. या शहाराची लोकसंख्या ६५०० इतकी आहे. मात्र, या शहराची लोकसंख्या दिवसेंदिवस घटत चालली आहे. या शहरात ६० टक्क्यांहून अधिक घरे रिकामे आहेत. त्यामुळे शहरातील लोकसंख्या वाढावी, यासाठी स्थानिक प्रशासनाने ५ वर्षांची योजना आखली आहे. या योजनेअंतर्गत १ युरोमध्ये घरांची विक्री केली जात आहे. लोकांची वस्ती वाढल्याने शहरात व्यवसाय वाढेल. शहरातील शाळा भरतील.

घराचं करावं लागेल नुतनीकरण

तुम्हाला ही योजना आकर्षक वाटत असेल. पण तेवढी जबाबदारी देखील मोठी आहे. . Forbes च्या रिपोर्टनुसार, तुम्हाला १०० रुपयांमध्ये बंगला खरेदी केल्यानंतर त्याचं नुतनीकरण करावं लागेल. तुम्हाला घराच्या बाहेरच्या आणि आतल्या भिंतींची डागडुजी करावी लागेल. आधुनिक जीवनशैली मानक (Modern Living Standard) नुसार घर तयार करावे लागेल.

इटलीमध्ये सुरु असलेल्या योजनेच्या आधारावरच ही योजना फ्रान्समध्ये राबवली जात आहे. घराच्या दुरुस्तीसाठी साधारण €20000 ते €50000 (किमान १८ ते ४५ लाख) खर्च येऊ शकतो. बंगला खरेदी करणाऱ्यांना ठराविक वेळेतच ही दुरुस्ती करावी लागेल. स्थानिक नियमानुसार, बंगल्याचं नुतनीकरण करणे गरजेचे आहे.

सरकारकडूनही मदत

बंगल्याच्या नुतनीकरणासाठी स्थानिक प्रशासनाकडून कर्जाची सोय उपलब्ध करून देण्यात आली आहे. यामुळे खरेदीदारांना बंगल्याची चांगल्या दर्जाची दुरुस्ती करता येईल.