Mumbai : मुंबईत 'पुष्पा'ला बेड्या, रेल्वेतून लाल चंदनाच्या तस्करीचा गेम फसला

Red Sandalwood Smuggling: पश्चिम रेल्वेच्या दक्षता विभागाच्या प्रतिबंधात्मक तपासणीत लाल चंदनाची तस्करी समोर आली आहे. मुंबई सेंट्रल स्थानकावर झालेल्या कारवाईत 93 किलो लाल चंदन दक्षता विभागाने जप्त केलेय.
Red Sandalwood Smuggling
Red Sandalwood Smuggling
Published On

संजय गडदे, साम टीव्ही प्रतिनिधी

Mumbai Crime News : बेकायदेशीर कृत्यांना आळा घालण्यासाठी आणि रेल्वे पार्सल वाहतुकीमध्ये सुरक्षा वाढविण्यासाठी भारतीय रेल्वेच्या पश्चिम विभागाकडून वेगवेगळ्या स्थानकांवर जोरदार तपासणी सुरू आहे. पश्चिम रेल्वेच्या दक्षता पथकाने अलीकडेच मुंबई सेंट्रल स्थानकावर विशेष प्रतिबंधात्मक तपासणी दरम्यान, रेल्वेने वाहतूक होत असलेल्या लाल चंदनाच्या लाकडाचा तस्करीचा प्रकार उघडकीस आणला आहे याप्रकरणी लाल चंदन तस्करी करणाऱ्याला ताब्यात घेऊन पार्सल साठी आणलेले 93 किलो लाल चंदन जप्त केले आहे.

मिळालेल्या माहितीनुसार, पश्चिम रेल्वेच्या दक्षता विभागाकडून सध्या वेगवेगळ्या स्थानकांवर सुरक्षा मोहिमेअंतर्गत तपासणी सुरू आहे. तपासणी दरम्यान सुमारे 12 तासांहून अधिक काळ राबविण्यात आलेल्या ऑपरेशनमध्ये जयपूर-मुंबई सेंट्रल सुपरफास्ट एक्स्प्रेस क्रमांक 12956 च्या भाडेतत्त्वावरील पार्सल व्हॅनची तपासणी दरम्यान, चार संशयास्पद पॅकेजेस आढळून आली. कसून तपासणी केल्यावर, पॅकेजमध्ये सुमारे 93 किलो वजनाच्या लाल चंदनाच्या 15 लाकडी लॉग असल्याचे आढळून आले. ओळख टाळण्यासाठी कायदेशीर पार्सल बुकिंग अंतर्गत मालाची खोटी घोषणा करण्यात आली होती. लाल चंदन पाठवणाऱ्याला पश्चिम रेल्वेच्या दक्षता पथकाने ताब्यात देखील घेतले. त्याची चौकशी करून त्याला पुढील तपास व कायदेशीर कार्यवाहीसाठी अवैध माल तसेच दोषीला वनविभागाच्या ताब्यात देण्यात आले.

Red Sandalwood Smuggling
Sandalwood Benefits: सुंगधी चंदनाचे आरोग्यदायी फायदे माहित आहेत का?

वन्यजीव संरक्षण कायदा, 1972 अंतर्गत संरक्षित दर्जा असल्यामुळे लाल चंदन ही अत्यंत मौल्यवान वस्तू आहे. त्याची तस्करी हा गंभीर गुन्हा आहे. हा कायदा भारत सरकारने वन्यजीव आणि त्यांच्या अधिवासांचे संरक्षण करण्यासाठी, देशाची पर्यावरणीय आणि पर्यावरणीय सुरक्षा सुनिश्चित करण्यासाठी लागू केला आहे.

Red Sandalwood Smuggling
Mumbai Gold Smuggling: मुंबई एअरपोर्टवर पत्नी, बाळासह उतरले, झडतीनंतर अधिकारी चक्रावले; अंतर्वस्त्रात सापडलं १.०५ कोटींचे सोनं

बेकायदेशीर कृत्यांसाठी रेल्वे संसाधनांचा कोणताही गैरवापर टाळण्यासाठी दक्षता आणि सुरक्षा तपासणी केली जाते. ती आणखी तीव्र केली जाणार असल्याचे रेल्वे प्रशासनाकडून स्पष्ट करण्यात आले आहे. रेल्वे वाहतुकीत सुरक्षितता आणि अखंडता राखण्यात मदत करण्यासाठी प्रवाशांना आणि संबंधितांना कोणत्याही संशयास्पद हालचालींची माहिती देण्याचे आवाहन देखील रेल्वे प्रशासनाने केले आहे.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News | Saam TV
saamtv.esakal.com