Pradeep Sharma: एन्काऊंटर स्पेशालिस्ट प्रदीप शर्मा यांच्या घरावर आयकर विभागाची धाड

(सचिन गाड, मुंबई)

Income Tax Raid At Pradeep Sharma Andheri House :

एन्काऊंटर स्पेशालिस्ट प्रदीप शर्मा यांच्या घरावर आयकर विभागाने धाड टाकलीय. आयकर विभागाने प्रदीप शर्मा यांच्या अंधेरी येथील घरावर धाड टाकलीय. माजी खासदार आणि आमदाराच्या कर चुकवे प्रकरणी प्रदीप शर्मा यांच्या घराव आयकर विभागाने ही कारवाई केलीय.(Latest News)

शर्मा यांच्या मुंबईतील अंधेरी येथील घरात आयकर विभागाच्या अधिकाऱ्यानी झाडाझडती घेतली. छाप्यामध्ये नेमकं काय हाती लागलं याची माहिती मिळू शकलेली नाही. मनसुख हिरण हत्येप्रकरणी अटक करण्यात आली होती. २५ फेब्रुवारी २०२१ रोजी जिलेटिननं भरलेली एक एसयूव्ही कार मुकेश अंबानी यांचं निवासस्थान असलेल्या अँटिलिया इमारतीजवळ आढळली होती. अँटिलियावर जवळ सापडलेल्या एसयूव्ही कार मनसुख हिरेन यांची असल्याची माहिती तपासात उघड झाली. त्यानंतर मनसुख हिरेन याची हत्या झाली होती. हिरेन याची हत्या करण्यात प्रदीप शर्मा यांनी बडतर्फ पोलीस अधिकारी सचिन वाझेला मदत केली होती.

(साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

राष्ट्रीय तपास संस्थेनं या प्रकरणाचा छडा लावत जून २०२१ मध्ये शर्मा यांना अटक करण्यात आली होती. अंबानी कुटुंबीयांना धमकावण्याच्या कटात सहभागी असलेल्या मनसुख हिरेनला संपवण्यासाठी सचिन वाझे याला प्रदीप शर्मानं साथ दिल्याचा एनआयएचा दावा होता.