Nashik Crime: युवकाच्या खूनानंतर रोकडोबावाडीत उडाली एकच खळबळ, पाेलिसांचा रात्रीत फाैजफाटा दाखल

- तबरेज शेख

नाशिकच्या उपनगर पोलिस ठाण्याच्या हद्दीतील रोकडोबावाडीत आरमान शेख या युवकाचा काही अज्ञातांनी कोयता व धारदार शस्त्राने वार करत खून केला. हे हल्लेखोर दुचाकीहून आले हाेते. दरम्यान या घटनेने परिसरात एकच खळबळ उडाली आहे. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

या घटनेची माहिती कळताच घटनास्थळावर परिमंडळ दोनच्या उपायुक्त मोनिका राऊत, सहाय्यक पोलिस आयुक्त सचिन बारी, उपनगर पोलिस ठाण्याचे वरिष्ठ पोलिस निरीक्षक जितेंद्र सपकाळे तसेच इतर अधिकारी, कर्मचारी दाखल झाले. (Maharashtra News)

अरमान याच्यावर धारदार शस्त्राने हल्ला झाल्याने तो रक्ताच्या थारोळ्यात पडला. त्याचा जागीच मुत्यु झाला अशी माहिती पाेलिसांना घटनास्थळावरुन प्राथमिक तपासात मिळाली.

हा खून पूर्व वैमनस्यातून झाल्याच्या समोर आले आहे. पोलिस संशयितांचा शोध घेताहेत. पोलिस ठाण्यात अज्ञात आरोपी विरोधात खुनाचा गुन्हा दाखल करण्यात आला आहे. याबाबत उपनगर पोलिस तपास करत आहेत.

Edited By : Siddharth Latkar