Success Story: पारंपारिक शेतीला बगल देत युवा शेतक-याने शेवगा शेतीतून कमविला लाखाेंचा नफा

- संजय सूर्यवंशी

पारंपरिक शेतीला बगल देत एका शेतकऱ्याने शेवग्याची लागवड केली. शेवगा लागवडीतून या शेतकऱ्याने लाखो रुपये कमावले. नांदेडच्या भोकर तालुक्यातील भोसी या गावातील तरुण शेतकरी नंदकुमार गायकवाड असं या शेतकऱ्याचे नाव आहे. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

नंदकुमार गायकवाडने आपल्या दोन एकर शेती मध्ये शेवगा लागवड केली. लागवडी नंतर शेवग्याचे योग्य नियोजन केले. शेवगा लागवडीसाठी त्यांना 55 हजारांचा खर्च आलाय.आता शेवगा शेंग तोडणीला सुरुवात झालीय. (Maharashtra News)

सुरुवातीलाच गायकवाड यांना खर्च वजा करता 2 लाख रुपयांचा नफा झालाय. शेंग तोडणी सुरू असून अजून यातून 3 लाख रुपये मिळण्याची अपेक्षा या शेतकऱ्याला आहे. पुढील पाच वर्षे या शेवगा लागवडीतून उत्पन्न मिळणार असल्याचे या तरुण शेतकऱ्याने सांगितले.

Edited By : Siddharth Latkar