डिलिव्हरीनंतर महिलांचे वजन वाढते ही सामान्य गोष्ट आहे. वजन कमी करण्यासाठी ते खूप प्रयत्न करतात. यात काहींचे वजन कमी होते तर काहींचे कमी होत नाही उलट वाढत जाते. हे वाढलेले वजन कमी न केल्यामुळे एका महिलेसोबत भयंकर घडलं. या महिलेची तिच्या नवऱ्याने हत्या केली. ही घटना अमेरिकेच्या लॉस एंजिलिसमध्ये घडली. आई झाल्यानंतर महिलेचे वजन खूप वाढले होते. त्यामुळे तिचा नवरा खूप चिंतेत होता. वजन कमी करण्यासाठी तो तिला सतत सांगत होता पण वजन कमी न झाल्यामुळे त्याने तिची जीव घेतला.
मिळालेल्या माहितीनुसार, ही घटना अमेरिकेतील लॉस एंजेलिसमध्ये घडली. स्कॉटिश रहिवासी असलेल्या ३७ वर्षीय महिला जून बुनियनची भेट २५ वर्षीय जोनाथन अँथनी रेंटेरियाशी झाली. सुरूवातीला मैत्री नंतर दोघे प्रेमात पडले. त्यानंतर त्यांनी लग्न केले. लग्नानंतर गरोदर राहिलेल्या जूनने गोंडस मुलीला जन्म दिला. मुलगी झाल्यानंतर जून आणि तिचा नवरा खूपच खूश होते. पण आई झाल्यानंतर जूनचे वजन खूपच वाढले. यामुळे जोनाथन आणि जून यांच्यात भांडणं होऊ लागली.
वाढलेले वजन कमी करावे यासाठी जोनाथन जूनवर सतत दबाव आणत होता. वजनावरून दोघांमधील वाद वाढतच चालला होता. ११ सप्टेंबरला दोघांमध्ये कडाक्याचे भांडण झाले आणि रागाच्या भरात जोनाथनने जूनचा गळा आवळून तिची हत्या केली. त्यानंतर तो आपल्या मुलीला घेऊन बाहेर निघून गेला. शेजारी राहणाऱ्यांनी या घटनेची माहिती पोलिसांना दिली. पोलिसांनी घटनास्थळी धाव घेत तपास सुरु केला.
पोलिसांनी जोनाथनला अटक केली. अटकेनंतर चौकशीदरम्यान त्याने आपला गुन्हा कबूल केला. पोलिसांनी सांगितले की, भांडणादरम्यान जोनाथनने पाठीमागून जूनचा गळा दाबला. त्यामुळे जूनला स्वत:चा बचाव करण्याची संधी मिळाली नाही आणि तिचा मृत्यू झाला. हत्येनंतर जोनाथनने बायकोचा मृतदेह एका प्लास्टिकच्या बॅगमध्ये भरून त्याची विल्हेवाट लावण्याचा प्रयत्न केला. या प्रकरणाचा सध्या पोलिसांकडून तपास सुरू आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.