Gadchiroli Crime: जिल्हा परिषद शाळेच्या परिसरात संशयास्पद स्थितीत आढळला युवतीचा मृतदेह

मंगेश भांदेकर , साम प्रतिनिधी

बदलापूरच्या घटनेमुळे सध्या राज्यभरात संताप व्यक्त केला जातोय. दिवसेंदिवस वाढत्या गुन्हेगारीवरून नागरिक संतप्त झालेत. अशात गडचिरोलीच्या कुरखेडा येथे एका मुलीची हत्या झाल्याची घटना घडलीय. येथील जिल्हा परिषद शाळा आवार परिसरात एका युवतीचा मृतदेह संशयास्पद स्थितीत आढळल्याने खळबळ उडाली आहे. ज्योती उर्फ चांदनी मसाजी मेश्राम असे युवतीचे नाव आहे.

शनिवारी काही युवक क्रिकेट खेळण्यासाठी मैदानात गेले असता भिंतीला लागून एका युवतीचा मृतदेह दिसून आला. या घटनेची माहिती पसरताच बघ्यांची एकच गर्दी झाली. उपविभागीय पोलिस अधिकारी रवींद्र भोसले, कुरखेडाचे ठाणेदार महेंद्र वाघ यांनी पोलीस ताफ्यासह घटनास्थळाकडे धाव घेतली. पोलिसांनी घटनेचा पंचनामा केलाय. प्राथमिक तपासात युवतीचा मृत्यू नेमका कश्यामुळे झालं हे सांगता येत नसल्याचे मत वैद्यकीय अधिकाऱ्यांनी व्यक्त केलंय.

मृत्यूचे नेमके कारण शवविच्छेदन अहवालानंतर स्पष्ट होईल. मृतक युवतीच्या आईच्या म्हणण्यानुसार, मुलगी काल रात्री 10 वाजताच्या दरम्यान घराबाहेर गेली होती. ती उशिरापर्यंत घरी परत न आल्याने तिचा शोध घेतला असता मिळाली नाही. सकाळी तिच्या मृत्यूची बातमी कळताच मृतकच्या आईने एकच हंबर्डा फोडला. काही दिवसा पूर्वी एका दुर्घटनेत मुलगा गमावलेल्या आईवर या घटनेने संकट कोसळले आहे.