Yuzvendra Chahal: क्रिकेट सोडून पेट्रोल भरु लागला पृथ्वी शॉ! इंग्लंडमधील तो Photo होतोय व्हायरल

भारतीय संघातील स्टार फलंदाज पृथ्वी शॉ आणि स्टार गोलंदाज युजवेंद्र चहल दोघेही इंग्लंडमध्ये आहेत. इंग्लंडमध्ये सुरु असलेल्या काऊंटी क्रिकेट स्पर्धेत हे दोघेही नॉर्थेम्पटनशायर संघाकडून खेळत आहे.

दोघेही मैदानाबाहेर अनेकदा मस्ती करताना दिसून येत असतात. या दोघांचे अनेक मजेशीर व्हिडिओ सोशल मीडियावर व्हायरल होत असतात. दरम्यान सामन्यानंतर फिरत असताना, युजवेंद्र चहलने पृथ्वी शॉ चा एक फोटो शेअर केला आहे. जो सध्या सोशल मीडियावर तुफान व्हायरल होतोय.

चहलने शेअर केला फोटो

आपल्या मजेशीर स्वभावासाठी ओळखला जाणाऱ्या चहलने यावेळी पृथ्वी शॉ ची फिरकी घेतली आहे. दोघेही इंग्लिश प्रीमियर लीग स्पर्धेतील सामना पाहण्याासाठी गेले होते. दरम्या कारमधून जात असताना, पृथ्वी शॉ स्वत: आपल्या कारमध्ये पेट्रोल भरत होता.

हे पाहताच, चहलने त्याचा फोटो क्लिक केला आणि सोशल मीडियावर व्हायरल केला. पृथ्वी शॉ ने हा फोटो पाहताच प्रतिक्रिया दिली. त्याने प्रतिक्रिया देत, 'अरे यार..'असं लिहिलं आहे.

पृथ्वी शॉची बॅट तळपली

भारतीय संघातून बाहेर असलेला पृथ्वी शॉ भारतीय संघात कमबॅक करण्यासाठी पूर्ण जोर लावताना दिसून येतोय. त्याला आयपीएल २०२४ स्पर्धेत हवी तशी कामगिरी करता आली नव्हती. मात्र वनडे कप २०२४ स्पर्धेत त्याने शानदार कामगिरी करुन दाखवली आहे. तो या स्पर्धेत सर्वाधिक धावा करणारा फलंदाज आहे.

आतापर्यंत खेळलेल्या ८ सामन्यांमध्ये त्याने ४२.८७ च्या सरासरीने ३४३ धावा केल्या आहेत. यादरम्यान त्याने ३ अर्धशतकं झळकावली आहेत. यादरम्यान ९७ धावा ही त्याची सर्वोत्तम खेळी ठरली आहे.

यासह युजवेंद्र चहलने देखील या स्पर्धेत शानदार कामगिरी करुन दाखवली आहे. त्याला टी-२० वर्ल्डकपसाठी भारतीय संघात संधी मिळाली होती. मात्र या स्पर्धेत त्याला एकही सामना खेळण्याची संधी मिळाली नव्हती. दरम्यान संघाबाहेर असताना तो पृथ्वी शॉ सोबत इंग्लंडमध्ये काऊंटी क्रिकेट खेळतोय. या स्पर्धेतील पहिल्याच सामन्यात ५ गडी बाद केले होते.