Gadchiroli Crime : वृद्ध दाम्पत्याची हत्या केली, मृतदेह नदीत फेकले; गडचिरोलीतील धक्कादायक घटना

मंगेश भांडेकर, साम टीव्ही गडचिरोली

गडचिरोलीमध्ये वृद्ध दाम्पत्याची हत्या करून मृतदेह नदीत फेकले असल्याची धक्कादायक घटना घडलीय. गडचिरोलीच्या एटापल्ली तालुक्यातील करपनफुंडी गावाती हे दाम्पत्य असल्याची माहिती मिळतेय. या दाम्पत्याची हत्या करून मृतदेह बांडे नदीत फेकल्याने एकच खळबळ उडाली आहे. आपण या घटनेबद्दल सविस्तर जाणून घेवू या.

वृद्ध दाम्पत्याचा मृतदेह नदीत आढळला

याबाबत सविस्तर वृत्त असं की, मंगळवारी २७ ऑगस्ट रोजी हातापायाला दोरी आणि दगड बांधलेल्या स्थितीतील एका महिलेचा मृतदेह बांडे नदीत आढळला (Gadchiroli Crime News) होता. त्यानंतर बुधवारी २८ ऑगस्ट रोजी तेथून ८ किलोमीटर अंतरावर एका पुरूषाचा मृतदेह नदीपात्रात आढळला. त्यानंतर हे दोन्ही व्यक्ती दामप्त्य असल्याचं समोर आलं होतं.

गडचिरोलीतील धक्कादायक घटना

बुरगू रैनू गोटा आणि रैनू जंगली गोटा, अशी मृत दाम्पत्याची ओळख पटली. या रहस्यमय घटनेचा उलगडा करण्यासाठी पोलीस अधीक्षकांनी पाच पथके तयार केली आहेत. याप्रकरणी त्यांनी चार संशयितांना ताब्यातही घेतले (killed old age couple) आहे. गोटा दाम्पत्य शनिवारपासून गायब होतं. नातेवाईकांनी शोधाशोध केल्यानंतर पत्नीचा नदीपात्रात मृतदेह आढळला. मात्र रैनूचा थांगपत्ता लागलेला नव्हता. त्यामुळे शोधमोहिम आणखी तीव्र करण्यात आली होती.

वृद्ध दाम्पत्याची हत्या

या दाम्पत्याची हत्या झाल्याचा संशय नातेवाईकांनी व्यक्त केला (Gadchiroli Crime) होता. त्यानंतर नक्षलग्रस्त आणि दुर्ग असलेल्या या भागात पोलिसांनी शोधमोहीम सुरू केली. त्यात एका पुरूषाचा मृतदेह त्याच नदीपात्रात आढळला. या दाम्पत्याची हत्या जादुटोण्याच्या संशयातून झाली की, संपत्तीच्या वादातून हे अद्याप स्पष्ट (Gadchiroli News) नाही. पोलीस याप्रकरणी कसून चौकशी करत आहे, आतापर्यंत ४ संशयितांना ताब्यात घेतलंय. पुढील तपास सुरू असल्याची माहिती पोलिसांनी दिलीय.