Crime : बॉयफ्रेंडला घरी बोलवलं, हातापायाची नखे उपटली, गळा दाबून क्रूर हत्या

Girlfriend boyfriend murder : गर्लफ्रेंडने बोलवलं म्हणून २२ वर्षीय तरूण गेला, पण ८ जणांनी त्याची क्रूर हत्या केली. २२ वर्षीय बॉयफ्रेंडला बेदम मारहाण केली. त्यानंतर पक्कडीने त्याची हाता-पायाची नखे उपटली. गळा दाबून जीव घेतला अन् मृतदेह शेतात फेकला. ही धक्कादायक घटना उत्तर प्रदेशातील फतेहपुर जिल्ह्यात घडली आहे. मृत तरुणाचे नाव गुलशन असे आहे. गुलशन याचे गावातील मुलीवर प्रेम होतं. त्या संबंधांच्या संशयावरून आठ जणांनी बेदम मारहाण करत नखे उपटली आणि गळा दाबून जीव घेतला. या प्रकरणी पोलिसांनी आठही संशयितांना बेड्या ठोकल्या आहेत.

फतेहपुर पोलिसांनी दिलेल्या माहितीनुसार, गुलशन हा येथील मवई गावातील रहिवासी होता. तो पीओपीचा मजूर म्हणून काम करायचा. गुलशन याचं गावातीलच एका मुलीशी प्रेमसंबंध होते. या प्रेमाला मुलीच्या कुटुंबाचा प्रखर विरोध होता. प्रेमामुळेच गुलशनला बोलावून घेतले आणि त्याच्यावर हल्ला केला. आरोपींनी गुलशन याला प्रचंड मारहाण केली. त्यानंतर त्याची हाता-पायाची नखे पक्कडाने उपटली, अन् गळा दाबून जीव घेतला. त्यानंतर गुलशनचा मृतदेह गावाजवळील शेतात फेकून दिला.

इकडे गुलशन याला त्याचे कुटुंबिय शोधत होते. गुलशन याचा मृतदेह शेतात आढलला. गुलशन याच्या शरीरावर मारहाणीच्या आणि क्रूर छळाच्या खूना कुटुंबियांना आढळल्या. गुलशन याच्या कुटुंबीयांनी पोलिसांत तक्रार दाखल केली. त्यानंतर पोलिसांनी मृतदेह ताब्यात घेऊन पोस्टमार्टमसाठी पाठवला. प्राथमिक तपासात हा खून असल्याचे स्पष्ट झाले. पोलिसांनी गावातील आठ जणांवर गुन्हा दाखल केला. काही आरोपींना बेड्या ठोकल्या असून चौकशी सुरू आहे.

गुलशन याच्या हत्याकांडामुळे फतेहपुरमध्ये खळबळ उडाली आहे. गुलशन याची अतिशय क्रूर पद्धतीने हत्या करण्यात आल्यामुळे हळहळ व्यक्त करण्यात येत आहे. गुलशनच्या कुटुंबीयांनी आरोपींवर कठोर कारवाईची मागणी केली आहे. या प्रकरणाचा तपास पोलीस करत आहेत. गुलशन याच्या हत्यामागील सर्व पैलूंचा पोलीस कसून तपास करत आहेत.