Child Marriage: अल्पवयीन मुलीचं लग्न लावणं पडलं महागात, वधू-वरच्या कुटुंबियांवर गुन्हा दाखल

>> भूषण अहिरे

Dhule Crime News:

धुळे शहरातील चाळीसगाव रोड परिसरात अल्पवयीन मुला मुलीचे लग्न लावून देणाऱ्या दोघाही कुटुंबीयांना हे लग्न चांगलंच महागात पडलं आहे. याप्रकरणी मुलगा आणि मुलीच्या कुटुंबियांवर गुन्हा दाखल करण्यात आला आहे.

चाळीसगाव रोड पोलीस ठाण्यामध्ये बालविवाह प्रतिबंधक कायद्यान्वये गुन्हा दाखल करण्यात आला आहे. मुलावर अल्पवयीन मुलीवर अत्याचार केल्या संदर्भात गुन्हा दाखल करण्यात आला आहे.  ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

धुळे शहरातील चाळीसगाव रोड परिसरामध्ये गेल्या वर्षी अल्पवयीन मुलीला तिच्या नात्यातील अल्पवयीन मुलाने घरातून पळून नेले होते. त्यानंतर तिच्यावर शारीरिक अत्याचार झाल्यानंतर ती मुलगी गर्भवती राहिल्याचे कुटुंबीयांच्या लक्षात आल्यानंतर, या दोघाही अल्पवयीन मुला मुलीचे कुटुंबीयांनी लग्न लावून दिले होते. (Latest Marathi News)

परंतु सासरकडील मंडळी मुलीला व्यवस्थित वागवत नसल्याने मुलीच्या कुटुंबीयांनी चाळीसगाव रोड पोलीस ठाण्यात तक्रार दाखल केली. मात्र या तक्रारीनंतर चाळीसगाव रोड पोलीस अधिकाऱ्यांनी या संपूर्ण प्रकरणाची तपासणी केली असता, या दोघेही अल्पवयीन मुला मुलीचे कुटुंबीयांनीच लग्न लावून दिल्याची धक्कादायक माहिती उघडकीस आली.

ही बाब उघडकीस आल्यानंतर या दोघाही कुटुंबीयांवर चाळीसगाव रोड पोलीस ठाण्यात बालविवाह प्रतिबंधक कायदा अन्वये गुन्हा दाखल करण्यात आला आहे.