Crime News: बिहार राज्यातील मुजफ्फरनगर परिसरातून एक धक्कादायक आणि तितकीच विचित्र घटना समोर आली आहे. लग्नाच्या शेवटच्या टप्प्यावर नवरीसोबत होत असलेली मोठी फसवणूक उघडकीस आल्यानंतर अखेर हे लग्न मोडण्यात आले. या घटनेमुळे परिसरात खळबळ उडाली असून सोशल मीडियावरही याची जोरदार चर्चा सुरू आहे.
मिळालेल्या माहितीनुसार, मनियारी भागात पारंपरिक पद्धतीने लग्नसोहळा सुरू होता. रात्रीभर सर्व विधी पार पडले आणि सर्व काही सुरळीत सुरु होते. मात्र, नवरीच्या कुटुंबीयांना नवरदेवाबाबत सुरुवातीपासूनच काहीसा संशय वाटत होता. तरीही तो गैरसमज असावा, असे समजून त्यांनी दुर्लक्ष केले.
परंतु सकाळी पाठवणीच्या वेळी एक अनपेक्षित प्रकार घडला. उपस्थितांपैकी एका महिलेनं नवरदेवाला 200 रुपयांची नोट देऊन तिची किंमत विचारली. यावर नवरदेवाने ती 2000 रुपयांची नोट असल्याचे सांगितले. या उत्तरामुळे सर्वांना धक्का बसला आणि संशय अधिकच बळावला.
यानंतर नवरीच्या कुटुंबीयांनी नवरदेवाबाबत सखोल चौकशी केली. चौकशीत समोर आले की, ज्या मुलासोबत लग्न ठरले होते, तो व्यक्ती हा नवरदेवच नाही. म्हणजेच संपूर्ण लग्न सोहळा बनावट नवरदेवासोबत पार पडत होता.
या प्रकारामुळे दोन्ही कुटुंबांमध्ये तीव्र वाद निर्माण झाला. नवरीच्या कुटुंबीयांनी संताप व्यक्त करत, “ज्याला 200 आणि 2000 रुपयांचा फरक समजत नाही, तो आयुष्याची जबाबदारी कशी सांभाळणार?” असा सवाल उपस्थित केला. अखेर, परिस्थिती हाताबाहेर जात असल्याने नवरीच्या कुटुंबीयांनी लग्न मोडण्याचा निर्णय घेतला आणि मुलीची पाठवणी करण्यास ठाम नकार दिला.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.