Chhatrapati Sambhajinagar: धक्कादायक! घरातून रूसून गेली अन् दोघांच्या तावडीत सापडली; मदतीचं आमिष दाखवत अल्पवयीन मुलीवर अत्याचार

रामनाथ ढाकणे, साम टीव्ही छत्रपती संभाजीनगर

छत्रपती संभाजीनगरमध्ये मदतीच्या बहाण्याने एका अल्पवयीन मुलीवर अत्याचार केल्याची घटना घडली आहे. आरोपींनी पिडीतेला बारा दिवस शहरातल्या वेगवेगळ्या लॉजवर फिरवल्याचं देखील समोर आलं आहे. याप्रकरणी पोलिसांनी दोघांना बेड्या ठोकल्या आहेत. त्यांना ३१ मे पर्यंत पोलीस कोठडी सुनावली आहे. छत्रपती संभाजीनगरमध्ये या धक्कादायक घटनेनं मोठी खळबळ उडाली आहे.

याबाबत सविस्तर वृत्त असं की, किरकोळ कारणावरून पीडित मुलीचं आई वडिलांसोबत भांडण झालं होतं. त्यामुळे ती रूसून घराबाहेर गेली होती. पीडितेचं वय १४ वर्षे आणि ९ महिने असल्याची माहिती मिळत (crime news) आहे. यावेळी पीडित मुलगी आई वडील रागावल्यामुळे घरातून रुसून गेली होती. ती मुकुंदवाडी रेल्वे स्टेशनवर जाऊन रडत बसली. आरोपी हा मुकुंदवाडी रेल्वे स्टेशनवर पाणी विक्रीचे काम करतो.

मदतीच्या बहाण्याने आरोपीने पीडितेशी जवळीक साधली. मदतीचा बहाणा करून तिच्याशी बोलायला सुरुवात केली. इतकच नव्हे तर स्वतःचा मोबाईल क्रमांकही दिला. काही मदत लागली तर फोन करण्यास सांगितले. तर या प्रकरणातील दुसरा आरोपी हा लॉजवर काम करत होता. या दोघांनी पीडित अल्पवयीन तरुणीला शहरातल्या वेगवेगळ्या लॉजवर कुठलेही रेकॉर्ड न ठेवता बारा दिवस (Chhatrapati Sambhajinagar Crime News) फिरविले.

हे प्रकरण उघडकीस येताच पुंडलिक नगर पोलिसांनी आरोपींनी बेड्या ठोकल्या आहेत. या दोघांनी तिच्यावर लैंगिक अत्याचार (Physically Abused Minor Girl) केल्याची माहिती पोलिसांनी दिली. दरम्यान प्रकरणी न्यायालयाने या दोघांनाही ३१ मे पर्यंत पोलीस कोठडी सुनावली. या दोन नराधमांनी पीडितेला मदत करण्याचं आमिष दाखवत तिच्यावर लैंगिक अत्याचार केल्याचं उघड झालं आहे.