Chhatrapati Sambhajinagar : शौचास बसण्याच्या कारणावरून वाद टोकाला गेला, तिघांकडून ६० वर्षीय व्यक्तीवर जीवघेणा हल्ला

छत्रपती संभाजीनगर :

छत्रपती संभाजीनगरमधून एक धक्कायक घटना समोर आली आहे. छत्रपती संभाजीनगरमध्ये शौचास बसण्याच्या कारणावरून एकावर जीवघेणा हल्ला झाल्याची घटना घडली आहे. या हल्ल्यात व्यक्ती गंभीर जखमी झाला आहे. या घटनेने परिसरात खळबळ उडाली आहे. या प्रकरणी पोलिसांनी तिघांविरोधात गुन्हा नोंदवला आहे.

मिळालेल्या माहितीनुसार, छत्रपती संभाजीनगरमध्ये शौचास बसण्याच्या कारणावरून तिघांनी एकावर जीवघेणा हल्ला केला. इथे बसू नको असं म्हटल्यानंतर राग अनावर होताच तिघांनी ६० वर्षीय व्यक्तीवर जीवघेणा हल्ला केला आहे. छत्रपती संभाजीनगर जिल्ह्यातील कोळघर गावात ही घटना घडली आहे.

नेमकं काय घडलं?

इथे बसू नको, म्हटल्यावर तिघांनी ६० वर्षीय व्यक्तीच्या डोक्यात गंभीर हल्ला केला. शौचास बसण्याच्या कारणावरून झालेल्या हल्ल्यात साठ वर्षीय कैलास साठे गंभीर जखमी झाले आहेत.जीवघेणा हल्ला प्रकरणी तिघांवर गंगापूर पोलीस ठाण्यात गुन्हा दाखल झाला आहे.

घराच्या मालकीच्या हक्कावरून बेदम मारहाण, 10 ते 12 गुंडाविरुद्ध गुन्हा नोंद

छत्रपती संभाजीनगरमधील केसर सिंग पुरा भागात काही गुंडांनी एका कुटुंबीयाला घराच्या मालकी हक्काच्या वादावरून बेदम मारहाण केली. घरातील वस्तू, साहित्य बाहेर काढताना विरोध केल्याने या गुंडांनी कुटुंबीयांतील सदस्यांना मारहाण केली. ही संपूर्ण घटना सीसीटीव्ही कॅमेऱ्यात कैद झाली. या प्रकरणी वेदांत नगर पोलीस ठाण्यात अज्ञात 10 ते 12 गुंडाविरुद्ध नोंद करण्यात आला आहे. याप्रकरणी अधिकचा तपास पोलीस करत आहे.