Amravati Crime: पतीने गाठली कौर्याची परिसीमा.. पत्नीला गॅसवर जिवंत जाळण्याचा प्रयत्न; अमरावतीत खळबळ

अमर घटारे, प्रतिनिधी|ता. १८ फेब्रुवारी २०२४

Amravati Breaking News:

अमरावतीमधून एक धक्कादायक घटना समोर आली आहे. अमरावतीमध्ये पतीने कौर्याची परिसीमा गाठत पत्नीला जिवंत जाळण्याचा प्रयत्न केल्याचा प्रकार समोर आला आहे. या घटनेने एकच खळबळ उडाली असून जखमी पत्नीवर सध्या रुग्णालयात उपचार सुरू आहेत. (Crime News in Marathi)

अमरावती (Amravati) जिल्ह्यातील कापुसतळणी गावात दारुड्या पतीकडून पत्नीला जिवंत जाळण्याचा प्रयत्न करण्यात आल्याची घटना उघडकीस आली आहे. मुकेश तिडके असे या नराधम पतीचे नाव आहे. तू कामाला जात नाहीस, तू बदमाश आहे, तू माझ्याजवळ राहू नको म्हणत पतीने पत्नीला गॅस वर पेटवून देण्याचा प्रयत्न केला.

या घटनेत पत्नीचा पाय जळाल्याचे सांगण्यात येत आहे. सध्या पीडित महिलेवर अमरावतीच्या जिल्हा सामान्य रुग्णालयात उपचार सुरू आहेत. दरम्यान, यापूर्वी तक्रार देऊनही पोलिसांनी कुठलीच कारवाई न केल्याचा आरोप पीडीत महिलेने केला आहे. या घटनेनंतर आरोपी पती मुकेश तिडकेविरुद्ध माहुली जहागिर पोलीस स्टेशनमध्ये गुन्हा दाखल करण्यात आला आहे.

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

नाशिकमध्ये मृतदेह आढळल्याने खळबळ..

नाशिकरोड (Nashik) येथील एकलहरा रोडच्या बाजूला एका युवकांचा हल्ला झालेल्या अवस्थेतील मृतदेह आढळल्याने खळबळ उडाली आहे. पहाटेच्या सुमारास एकलहरा रोड परिसरात असलेल्या किर्लोस्कर कंपनीच्या समोरच्या भागात रस्त्याच्या बाजूला हा मृतदेह आढलून आला पाठीवर, पोटावर धारदार हत्याराणे हल्ला करून हा मृतदेह टाकून देण्यात आला आहे. पोलीस या प्रकरणाचा अधिक तपास करत आहेत. (Latest Marathi News)