Stray Dogs Shot: क्रूरतेचा कळस! २० भटक्या कुत्र्यांना गोळ्या घालून केलं ठार; तेलंगणामधील थरारक घटना

20 Stray Dogs Shot:

तेलंगणामध्ये पोलिसांना एकाच दिवशी अचानक २० भटके कुत्रे मृत अवस्थेत आढळून आलेत. एकाचवेळी २० कुत्र्यांचे मृतदेह सापडल्याने शहरात एकच खळबळ उडाली आहे. पोलीस या प्रकरणी अधिक तपास करत आहेत.

पोलिसांनी दिलेल्या माहितीनुसार, महबूबनगरमधील अड्डाकल मंडळमधील पोन्नकल या गावात ही शक्रवारी ही घटना घडली आहे. घटनेची माहिती आधी प्राणीप्रेमींना मिळाली. त्यानंतर त्यांनी पोलिसांना याबाबत माहिती दिली.

भटक्या कुत्र्यांवर गोळीबार

पोलिसांना प्रत्यक्षदर्शींनी दिलेल्या महितीनुसार, एका चारचाकीतून काही व्यक्ती खाली उतरल्या. त्यांच्या हातात बंदुका होत्या आणि त्यांनी चेहऱ्यावर मास्क लावले होते. खाली उतरताच त्यांनी कुत्र्यांवर गोळीबार करण्यास सुवात केली. त्यांनी तब्बल २० कुत्र्यांवर अंदाधुंद गोळीबार केला. क्रूरपणे त्यांनी कुत्र्यांना संपवलं.

सदर घटनेमध्ये गोळीबारानंतर २० भटक्या कुत्र्यांचे मृतदेह सापडलेत. तर अनेक कुत्रे जखमी झाल्याची माहिती मिळाली आहे. जखमी कुत्र्यांना रुग्णालयात दाखल करण्यात आले असून सध्या त्यांच्यावर उपचार सूरू आहेत.

बेंगळुरूमध्ये देखील अशीच एक विचित्र घटना घडलीये. येथे ११ मांजरींना विषबाधा झालीये. विषबाधा झाल्याने ११ मांजरींचा मृत्यू देखील झाला आहे.