E-Sakal No.1: डिजिटल विश्वात ई-सकाळचाच दबदबा; नव्या वर्षांत सलग दुसऱ्यांदा पहिल्या स्थानावर

ई- सकाळ वेबसाईच वाचकांना नेहमीच वाचकांना ताज्या घडामोडी देण्यासाठी सज्ज असते. याच जोरावर पत्रकारिता क्षेत्रात डिजिटल प्लॅटफॉर्मवर ई- सकाळने बाजी मारली आहे. पुन्हा एकदा ई- सकाळ ही नंबर १ वेबसाईट ठरली आहे. कॉमस्कोरच्या ताज्या रेटिंगनुसार ई-सकाळने मराठी न्यूज वेबसाईट्समध्ये नंबर 1 स्थान पटकावले आहे.

ही फक्त क्रमांकाची कामगिरी नसून मराठी वाचकांच्या वाढत्या विश्वासाची आणि सातत्यपूर्ण गुणवत्तेची पावती आहे, असे आपण नक्कीच म्हणू शकतो. ग्रामीण भागापासून शहरी वाचकांपर्यंत सर्व स्तरांतील प्रेक्षकांनी ई-सकाळला दिलेल्या पसंतीमुळे हे यश शक्य झाले आहे.

डिजिटल माध्यमांमध्ये वेगवान, अचूक आणि विश्वासार्ह बातम्या देण्यावर ई-सकाळने कायम भर दिला आहे. बदलत्या तंत्रज्ञानाशी सुसंगत राहून वाचकांच्या अपेक्षा ओळखत नाविन्यपूर्ण उपक्रम राबवले गेले. त्यामुळेच ई-सकाळने डिजिटल न्यूज क्षेत्रात मोठ्या प्रमाणात वाचकसंख्या मिळवत मराठी न्यूज प्लॅटफॉर्ममध्ये आपली भक्कम पकड कायम राखली आहे. ताज्या आकडेवारीनुसार ई-सकाळला तब्बल ७.३ कोटी युजर्सचा भक्कम पाठिंबा लाभला आहे, जो मराठी डिजिटल पत्रकारितेसाठी महत्त्वाचा टप्पा मानला जात आहे.

सकाळ मीडिया समूहाच्या दूरदृष्टीपूर्ण डिजिटल व्हिजनमुळे आणि प्रभावी कंटेंट स्ट्रॅटेजीमुळे ई-सकाळने गुणवत्ता आणि विश्वासार्हतेचा नवा आदर्श निर्माण केला आहे. वाचककेंद्रित माहिती, विश्लेषणात्मक लेख आणि विविध क्षेत्रांतील महत्वाचे कव्हरेज यामुळे ई-सकाळने आपल्या नेतृत्वाची छाप जास्त ठळक केली आहे. भविष्यातही अत्याधुनिक तंत्रज्ञान, इनोव्हेशन आणि विश्वासार्ह पत्रकारितेच्या बळावर ई-सकाळ डिजिटल माध्यमांमध्ये नवे उच्चांक गाठण्याच्या दिशेने वाटचाल करत राहणार आहे.