GST Discount: दसऱ्याला घरी आणा कार; GST कपातीनंतर टाटाच्या या कारवर धमाकेदार डिस्काउंट, जाणून घ्या फीचर्स आणि किंमत

टाटा मोटर्सने आपल्या ग्राहकांसाठी सणासुदीच्या हंगामात आनंदाची बातमी दिली आहे. सरकारने २२ सप्टेंबर २०२५ पासून लागू केलेल्या जीएसटी(GST) दर कपातीचा थेट फायदा आता कार खरेदीदारांना मिळणार आहे. लहान वाहनांवरील जीएसटी २८% वरून १८% करण्यात आली असून, मोठ्या वाहनांवर ४०% कर आकारला जाईल.

या बदलाचा सर्वात मोठा परिणाम टाटा मोटर्सच्या लोकप्रिय हॅचबॅक टाटा टियागोवर दिसून येत आहे. नवीन कर दरांमुळे टाटा कारवर ४२,००० ते १.५२ लाख रुपयांची बचत होऊ शकते. विशेषतः टाटा टियागोच्या XZA NRG CNG-ऑटोमॅटिक प्रकाराच्या खरेदीदारांना सर्वात मोठा फायदा मिळणार असून, या मॉडेलच्या किमतीत ७५,३९० रुपयांपर्यंत कपात होऊ शकते.

बहुतेक टियागो प्रकारांच्या किमती सुमारे ८.५% ने कमी होतील अशी माहिती मिळते. टाटा टियागो ही भारतीय बाजारपेठेत बजेट-फ्रेंडली आणि वैशिष्ट्यांनी समृद्ध हॅचबॅक म्हणून ओळखली जाते. आता कमी झालेल्या किमतींमुळे ही कार आणखी आकर्षक बनली आहे.

ही किंमत कपात विशेषतः अशा ग्राहकांसाठी लाभदायक ठरणार आहे जे परवडणारी आणि सुरक्षित कार शोधत आहेत. सणासुदीच्या हंगामाआधी टाटा मोटर्सची ही घोषणा विक्रीला चालना देईल, आणि नवीन स्वस्त किमतींमुळे टियागोची मागणी वाढेल, असे उद्योग विश्लेषकांचे अनुमान आहे.