Toyota Cars Offers: अंबाबाईच्या नावानं चांगभलं! फक्त ९९ रुपयांच्या हप्त्यांमध्ये घरी आणा कार, अन् ५ फ्री सर्विससह ४ धमाकेदार फायदे

टोयोटा कार खरेदीदारांसाठी सणासुदीच्या हंगामात मोठी खूशखूबर आहे. टोयोटा किर्लोस्कर मोटर्स (TKM) ने ग्राहकांसाठी विशेष ऑफर लाँच केली आहे. आता कारवर बंपर फायदे मिळणार आहेत. गेल्या काही काळात जीएसटी(GST) दरांमध्ये कपात झाल्यानंतर टोयोटा कार ४८,७०० रुपयांवरून ३,४९,००० रुपयांपर्यंत स्वस्त झाल्या आहेत. त्यानंतर नवरात्रीच्या निमित्ताने कंपनी त्यांच्या हायराइडर, टायगर, इनोव्हा, रुमियम आणि इतर मॉडेल्सवर १ लाख रुपयांपर्यंतचे अतिरिक्त फायदे देत आहे, ज्यामुळे ग्राहकांना दुहेरी लाभ मिळणार आहेत.

टोयोटाने सर्व कार आणि एसयूव्हीवरील कमी केलेल्या जीएसटी दरांचा पूर्ण फायदा ग्राहकांना देण्याचा निर्णय घेतला आहे. त्याचबरोबर, कंपनीने नवरात्रीसाठी 'आता खरेदी करा आणि २०२६ मध्ये पैसे द्या' (Buy Now And Pay in 2026) नावाची विशेष ऑफर सादर केली आहे. या ऑफरअंतर्गत ग्राहकांना आत्ताच कार खरेदी करण्याची आणि पुढच्या वर्षी पैसे भरण्याची संधी मिळते. ही ऑफर विशेषतः पश्चिम भारतातील राज्यांसाठी आहे, ज्यात महाराष्ट्र, गुजरात, मध्य प्रदेश आणि गोवा यांचा समावेश आहे.

देशभरात जीएसटीचे नवीन दर २२ सप्टेंबर २०२५ पासून लागू होतील, ज्यामुळे कारच्या किमती अधिक स्वस्त होतील. आता खरेदी करा आणि २०२६ मध्ये पैसे द्या ही ऑफर ३० सप्टेंबर २०२५ पर्यंत वैध राहील, त्यामुळे ज्यांना या ऑफरचा फायदा घ्यायचा आहे त्यांना कार खरेदी लवकर करावी लागेल. या ऑफरमुळे ग्राहकांना कार खरेदी करताना १ लाख रुपयांपर्यंतचे फायदे मिळतील, जे टोयोटाच्या कारसाठी एक मोठा आकर्षण ठरणार आहे. आणखी फायदे खालीलप्रमाणे आहेत:

३ महिन्यांची ईएमआय सुट्टी: ग्राहकांना पहिल्या तीन महिन्यांसाठी फक्त ९९ रुपये मासिक ईएमआय भरावी लागेल. नियमित हप्ते जानेवारी २०२६ पासून सुरू होतील, ज्यामुळे कार खरेदी अधिक परवडणारी होईल.

५ मोफत सेवा सत्रे: ग्राहकांना वाहन सर्व्हिसिंगची चिंता करण्याची गरज नाही, कारण टोयोटा आपल्या कारसह ५ मोफत सेवा सत्रे प्रदान करत आहे.

५ वर्षांची विस्तारित वॉरंटी: टोयोटा आपल्या ग्राहकांना वाहनांसाठी ५ वर्षांची विस्तारित वॉरंटी देत आहे, ज्यामुळे खरेदीदारांना अधिक सुरक्षितता आणि विश्वास मिळतो.

कॉर्पोरेट आणि एक्सचेंज बोनस: कॉर्पोरेट ग्राहक किंवा जुन्या वाहनाची बदल करून नवीन कार खरेदी करणाऱ्यांना अतिरिक्त सवलत मिळेल, ज्यामुळे त्यांच्या खर्चात अधिक बचत होईल.

सुरक्षा कर्मचाऱ्यांसाठी विशेष फायदे: देशभक्तांना सन्मान देत टोयोटा त्यांच्या संरक्षण कर्मचाऱ्यांसाठी खास सुविधा आणि आकर्षक फायदे प्रदान करत आहे.

सध्या टोयोटाच्या अर्बन क्रूझर हायराइडर, टायगर, ग्लांझा, रुमियन, इनोव्हा आणि फॉर्च्युनर यांसारख्या विविध सेगमेंटमधील कार्स चांगल्या विक्रीत आहेत. जीएसटी दरात कपात आणि कंपनीच्या खास नवरात्री ऑफर्समुळे ग्राहकांसाठी या कार्स खरेदीसाठी अत्यंत सोयीस्कर आणि परवडणारा काळ निर्माण झाला आहे. ही संधी ग्राहकांनी नक्कीच लाभावी, कारण आता कार खरेदी करताना बचतीसह आकर्षक सुविधा मिळत आहेत.