Success Story: १७ वेळा फेल, हार नाही मानली, क्रॅक केली UPSC; ड्रायव्हरचा लेक झाला IPS अधिकारी

यूपीएससी परीक्षा पास करुन सिव्हिल सर्व्हिसमध्ये काम करण्याचे अनेकांचे स्वप्न असते. सरकारी विभागात चांगल्या पदावर काम करण्यासाठी अनेकजण खूप मेहनत करतात. दिवसरात्र एक करुन यूपीएससी परीक्षेचा अभ्यास करतात. असंच काहीसं विवेक यादव यांनी केलं. त्यांनी यूपीएससी परीक्षा पास करत आयपीएस पदाला गवसणी घातली आहे. त्यांचा हा प्रवास सर्वांसाठीच प्रेरणादायी आहे.

१७ वेगवेगळ्या परीक्षांमध्ये नापास

विवेक यादव यांनी याआधी १७ स्पर्धा परीक्षा दिल्या होत्या. त्यात त्यांना अपयश मिळाले होते. तरीही त्यांनी हार मानली नाही. विवेक यादव यांचे वडील नवलसिंह यादव चंदेरी नगरपालिकेत ड्रायव्हर म्हणून कार्यरत होते. त्यांची आई अंगणवाडी सेविका होती. याचसोबत त्या घरी शिलाईचे काम करायच्या. यातून कुटुंबाला मदत करायच्या. आर्थिक परिस्थिती बिकट असतानाही त्यांनी खूप मेहनतीने यश मिळवले. त्यांनी यूपीएससी २०२५ मध्ये ४८७ रँक प्राप्त केली.

विवेक यादव यांना यूपीएससी परीक्षा पास करण्यासाठी खूप संघर्षातून जावे लागले.याआधी अनेक परीक्षांमध्ये त्यांना अपयश मिळाले होते. तरीही त्यांनी हार मानली नाही. याचा परिणाम असाल झाला की त्यांनी यूपीएससी परीक्षा पास केली. त्यांनी एकदा नव्हे तर दोनदा परीक्षा पास केली. त्यांनी आपल्या परीक्षेबाबत एका कागदावर सर्व माहिती लिहली आहे.

विवेक यांच्या यशाचे कारण त्यांचे आईवडील आहेत. त्यांना आपल्या आईवडिलांचे स्वप्न पूर्ण करायचे होते. विवेक यादव यांची निवड असिस्टंट कमिश्नर म्हणून झाली. ते लखनऊ येथे ट्रेनिंग करत होते. परंतु त्यांनी ट्रेनिंगच्या काळात यूपीएससी परीक्षेचा अभ्यास केला. त्यांच्या प्रयत्नांना यश मिळाले. त्यांनी पाचव्या प्रयत्नात चांगली रँक प्राप्त केली. त्यांची आयपीएस पदासाठी निवड झाली.