Success Story: जिद्द! काम करता करता केला अभ्यास; तीनदा अपयश; चौथ्या प्रयत्नात क्रॅक केली UPSC; IFS पूज्य प्रियदर्शिनी यांचा प्रवास

अपयश ही यशाची पहिली पायरी असते, असं म्हणतात. अपयश हे पचवता यायला हवं. जर अपयश पचवता आलं तर तुम्ही कोणत्याही परिस्थितीवर मात करु शकता. असंच काहीसं आयएफएस पूज्य प्रियदर्शिनी यांनी केलं. अनेक प्रयत्नांनंतर त्यांना यश मिळालं. त्यांच्या हा प्रवास सर्वांसाठीच खूप प्रेरणादायी होती.

काम करुन केला अभ्यास

पूज्य प्रियदर्शिनी यांनी २०१३ मध्ये ग्रॅज्युएशनच्या शेवटच्या वर्षात पहिल्यांदा यूपीएससी परीक्षा देण्याचा निर्णय घेतला. यूपीएससी परीक्षा देताना त्यांना यश मिळाले नाही. परंतु यामुळे त्या खचल्या नाही. त्यांनी पुन्हा प्रयत्न केले. त्यांनी अभ्यास करता करता कामदेखील केले. दिल्लीतून बी.कॉम केल्यानंतर त्यांनी न्यूयॉर्कमधील कोलंबिया युनिव्हर्सिटीमधून पोस्ट ग्रॅज्युएशन केले. त्यांनी २०१३ मध्ये यूपीएससी परीक्षेची तयारी केली. त्यांनी ५ वर्ष खूप मनापासून अभ्यास केला. त्यानंतर २०१८ मध्ये त्यांना यश मिळाले.

UPSC परीक्षेत ११वी रँक

आयएफएस पूज्य प्रियदर्शिनी यांच्याही आयुष्यात कठीण काळ आला होता. २०१७ मध्ये त्यांनी प्रिलियम्स परीक्षादेखील पास केली नव्हती. यावेळी त्यांचा आत्मविश्वास डमगमला होता. परंतु त्यामुळे काही फरक पडला नाही. त्यांनी पुन्हा एकदा मन लावून अभ्यास केला. त्यांनी २०१८ मध्ये यूपीएससी परीक्षा पास केली. त्यांना ऑल इंडिया रँक ११ मिळाली. पूज्या प्रियदर्शिनी यांना चांगली रँक मिळाली होती. तरीही त्यांनी आयएएस सोडून आयएफएस अधिकारी होण्याचे ठरवले.