Share Market today : शेअर मार्केटवरील 'संक्रात' टळली; १० शेअरने केली भन्नाट कामगिरी, कोणाचा दिवस झाला गोड?

Share Market today update : आज शेअर मार्केटवरील 'संक्रात' टळली आहे. आज १० शेअरने भन्नाट कामगिरी करत जबरदस्त उसळी घेतली आहे. आज शेअर बाजार ग्रीन झोनमध्ये असल्याने दिवस गोड झाला आहे.
शेअर बाजार
Share Market TodaySaam Tv
Published On

नवी दिल्ली : आज देशभरात मकर संक्रात साजरी केली जात आहे. याचदरम्यान काल गडगडलेला शेअर बाजार आज सावरला आहे. शेअर बाजार मंगळवारी सकाळी सुरु झाल्यानंतर दोन्ही इंडेक्स ग्रीन झोनमध्ये सुरु झाले. शेअर बाजाराचे ३० कंपन्यांच्या सेन्सेक्सने काही मिनिटात ४५० अंकांनी उसळी घेतली. तर नॅशनल स्टॉक एक्सचेंजच्या निफ्टीने देखील १२५ अंकांनी उसळी घेतली.

शेअर बाजार
Business Ideas: फक्त १४ हजारांनी सुरु करू शकता 'हा' बिझनेस; दररोज करू शकता १८ हजारांची कमाई

शेअर बाजार मंगळवारी सकाळपासून उसळी घेताना दिसत आहे. बीएसई सेन्सेक्स सोमवारी ७६,३३०.०१ वर बंद झाला होता. त्यानंतर आज सेन्सेक्सने उसळी घेत ७६,७७९.४९ वर पोहोचला. सेन्सेक्ससारखा एनएसई निफ्ट-५० देखील २३,०८५,९५ वर उसळी घेऊन २३,१६५.९० वर सुरु झाला. त्यानंतर १३३.९० अंकांनी उसळी घेऊन २३,२२७.२० ट्रेड सुरु झाला.

शेअर बाजार
Business Idea: पैशांसाठी सरकारी मदत घेऊन तुम्ही सुरु करू शकता 'हा' बिझनेस; दर महिना होईल तगडी कमाई

१० शेअरने घेतली जबरदस्त उसळी

आज शेअर बाजारावरील 'संक्रात' टळली आहे. Zomato (3.32 टक्के), NTPC (3.27 टक्के), indusind bank (3.27 टक्के) Adani Ports (2.88 टक्के) आणि टाटा मोटर्स (3.07 टक्के) या शेअरने चांगली उसळी घेतली आहे.

Biocon (4.14 टक्के), Suzlon (3.25 टक्के), yes Bank (3.24 टक्के) या शेअरनेही उसळी घेतली आहे. स्मॉल कंपन्यामधील TD Power system (8.07 टक्के) , Times Share (3.44 टक्के) शेअरनेही उसळी घेतली आहे.

शेअर बाजार
Share Market Crash : शेअर मार्केटमध्येही घुसला 'व्हायरस'! पहिल्याच दिवशी सेन्सेक्स १२०० अंकांनी आपटला, ही आहेत ४ कारणं...

सोमवारी शेअर बाजारात घसरण पाहायला मिळाली. बीएसई सेन्सेक्स ७७,३७८.९१ वरून घसरून ७६,६२९.९० स्तरावर सुरु झाला. शेअर बाजार सुरु झाल्यानंतर मोठी घसरण पाहायला मिळाली होती. शेअर बाजार बंद झाल्यानंतर बीएसई सेन्सेक्स १०४९.९० अंकांनी म्हणजे १.३६ टक्क्यांनी घसरून ७६.३३०.०१ वर बंद झाला.

NSE निफ्टी देखील मागील शुक्रवारी २३,४३१.५० च्या पातळीवरून घसरून २३,१९५.४० वर सुरु झाला होता. शेअर बाजारातील व्यवहार बंद झाल्यावर निफ्टी ३४५.५५ अंकांनी म्हणजे १.४७ टक्क्यांनी घसरून २३,०८५.९५ वर बंद झाला.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News | Saam TV
saamtv.esakal.com