Budget 2025 Stock Market : बजेटआधीच शेअर बाजारात हिरवळ; सेन्सेक्सने घेतली उसळी, कोणते शेअर्स ठरले टॉप गेनर्स?

नवी दिल्ली : बजेटच्या एक दिवस आधीच शेअर बाजारात तेजी पाहायला मिळत आहे. आज शुक्रवारी सेन्सेक्स ७४० अंकांनी उसळी घेऊन ७७,५०० रुपयांवर बंद झाला. निफ्टी २५८ अंकांनी उसळी घेऊन २३,५०८ अंकांवर पोहोचला. या व्यतिरिक्त बँक निफ्टी २७५ अंकांनी उसळी घेऊन ४९,५८७ वर बंद झाला. बजेटआधीच सरकारी शेअर्समध्ये तेजी पाहायला मिळाली. रेल्वे आणि संरक्षण विभागाच्या शेअर्सने १० टक्क्यांहून अधिक वेळ तेजी पाहायला मिळत आहे.

बीएसईच्या टॉप ३० शेअरपैकी ६ शेअरमध्ये घसरण पाहायला मिळाली. कोटक बँक, आयसीआयसीआय बँक, बजाज फायनान्स, आयटीसी हॉटेलमध्ये घसरण पाहायला मिळाली. तर बाकीचे २४ शेअरने उसळी घेतली. यात 'एल अँड टी'च्या शेअरने ४.३७ टक्क्यांनी उसळी घेतली. NSE वर टाटा कंज्यूमर, बेल ट्रेंट आणि कोल इंडियाने चांगली उसळी घेतली.

सरकारी शेअरमध्ये तेजी

रेल्वे स्टॉकची ज्यूपिटर वॅगनने शेअर १२ टक्के, आरव्हीएनएल ९ टक्के, इरकॉन इंटरनॅशनल ९ टक्क्यांनी उसळी घेतली. या व्यतिरिक्त डिफेन्सच्या बीईएमएलच्या शेअरने ९ टक्के, माझगाव डॉक ६ टक्के आणि इतर शेअर तेजीत पाहायला मिळत आहे. पीएसयू शेअर NHPC, टाटा कंज्यूमर्स, भेल आणि यूपीएल सारख्या शेअरमध्ये ६ टक्क्यांहून अधिक उसळी पाहायला मिळत आहे.

एनएसईवर एकूण आज २,९१९ शेअर ट्रेड झाले. त्यातील २१३० शेअरमध्ये तेजी पाहायला मिळाली. तर ७११ शेअरमध्ये घसरण पाहायला मिळाली. २१ शेअर ५२ आठवड्यांच्या उच्चांकी स्तरावर पोहोचले. तर ५८ शेअरमध्ये घसरण पाहायला मिळाली. तर १७१ शेअर अपर सर्किटला आले आहेत.

तिसऱ्यांदा बजेटच्या दिवशी शनिवारी शेअर बाजारात ट्रेडिंग होणार आहे. याआधी १ फेब्रुवारी २०२०, २८ फेब्रुवारी २०१५ रोजी बजेटच्या दिवशी शेअर बाजार सुरु होते. साधारण बजेटच्या दिवशी शेअर बाजार सुरु राहतो.