

स्टेट बँक ऑफ इंडियाचे (SBI) ग्राहक असाल आणि UPI द्वारे रोजचे आर्थिक व्यवहार करत असाल तर ही बातमी तुमच्यासाठी अत्यंत महत्त्वाची आहे. तांत्रिक देखभालीच्या (Maintenance) कामामुळे बँकेची UPI सेवा गुरूवारी काही वेळेसाठी पूर्णपणे बंद राहणार आहे. या काळात ग्राहकांना डिजिटल पेमेंट करताना अडचण येऊ नये, म्हणून बँकेने आधीच कल्पना दिली असून, या वेळेत कोणते पर्याय वापरता येतील हे देखील जाणून घेणे आवश्यक आहे.
एसबीआयची (SBI) यूपीआय सेवा ४५ मिनिटांसाठी बंद राहणार
बँकेच्या यंत्रणेमध्ये तांत्रिक सुधारणा (Maintenance) करण्यासाठी १९ नोव्हेंबर २०२६ रोजी रात्री १:१५ ते पहाटे २:०० वाजेपर्यंत (४५ मिनिटे) एसबीआयची सर्व यूपीआय (UPI) सेवा पूर्णपणे बंद राहणार आहे. भविष्यात ग्राहकांना अधिक सुरक्षित आणि उत्तम सेवा मिळावी म्हणून हे काम केले जात आहे.
या ४५ मिनिटांत पेमेंट कसे करायचे?
या वेळेत जर तुम्हाला काही महत्त्वाचे पेमेंट करायचे असेल, तर घाबरण्याची गरज नाही. तुम्ही 'यूपीआय लाईट' (UPI Lite) चा वापर करू शकता. यासाठी तुम्ही 'BHIM SBI Pay' अॅपच्या मदतीने आधीच यूपीआय लाईट वॉलेटमध्ये पैसे जमा करून ठेवू शकता, जेणेकरून या वेळेतही तुमचे व्यवहार सुरळीत पार पडतील.
यूपीआय लाईट म्हणजे काय ?
छोट्या व्यवहारांसाठी असलेल्या या वॉलेटमधून पैसे पाठवताना बारबार यूपीआय पिन (UPI PIN) टाकावा लागत नाही. आरबीआयच्या (RBI) नियमांनुसार, आता यूपीआय लाईटद्वारे एका वेळी जास्तीत जास्त १००० रुपयांपर्यंतचे पेमेंट करता येते. तुम्ही तुमच्या या यूपीआय लाईट वॉलेटमध्ये जास्तीत जास्त ५००० रुपयांपर्यंतची रक्कम साठवून ठेवू शकता.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.