अनेकजण घर खरेदीसाठी, कार खरेदीसाठी किंवा वैयक्तिक कामांसाठी लोन घेतात. बँकामध्ये चांगल्या व्याजदरात कर्ज घेता येते. वेगवेगळ्या बँकाची वेगवेगळी लोन पॉलिसी आहे. यात त्यांचे वेगवेगळे व्याजदर ठरलेले असतात. मात्र, आता स्टेट बँक ऑफ इंडियाने गृहकर्जावरील व्याजदरात वाढ केली आहे. त्यामुळे गृहकर्ज घेणाऱ्या ग्राहकांच्या खिशाला झटका बसणार आहे. रिझर्व्ह बँक ऑफ इंडियाच्या पतधोरण आढावा बैठकीनंतर काही दिवसांनीच हा निर्णय घेण्यात आला आहे.
रिझर्व्ह बँकेने रेपो रेटमध्ये कोणताही बदल केलेला नाही. तरीही होम लोनवरील व्याजदर वाढवले आहे. यामुळे ग्राहकांना जास्त पैसे भरावे लागणार आहेत. स्टेट बँक ऑफ इंडियाने १५ जूनपासून १० बेस पॉईंट्स किंवा ०.१ टक्क्यांनी कर्ज दराची मार्जिनल कॉस्ट वाढवली आहे. एसबीआयच्या या निर्णयामुळे सर्व प्रकारच्या कर्जाचा ईएमआय वाढणार आहे. यामुळे तुम्हाला आधीपेक्षा जास्त ईएमआय भरावा लागणार आहे.
एसबीआयने एक वर्षाचा एमसीएलआर (MCLR) ८.६५ टक्क्यांवरुन ८.७५ टक्के वाढवला आहे. एक महिना ते तीन महिन्यांच्या एमसीएलआरवर ८.२० टक्क्यांवरुन ८.३० टक्के वाढवला आहे. सहा महिन्यांचा एमसीएलआर ८.५५ टक्क्यांवरुन ८.६५ टक्के झाला आहे. दोन वर्षांसाठीचा एमसीएलआर ८.८५ टक्के झाला आहे. तर तीन वर्षांचा एमसीएलआर ८.८५ टक्क्यांवरुन ८.९५ टक्के झाला आहे.
गृहकर्ज आणि वाहन कर्जासह अनेक किरकोळ कर्जांवरील एमसीएलआर वाढला आहे. रेपो रेट किंवा ट्रेझरी बिल यांच्याशी निगडीत कर्ज घेणाऱ्या ग्राहकांवर MCLR वाढीचा काहीही परिणाम होणार नाही. बँक आपल्याला दोन प्रकारचे कर्ज देते.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.