नवी दिल्ली : राघव प्रोडक्टिविटी एन्हांसर्स लिमिटेड या छोट्या कंपनीने गुंतवणूकदारांना मालामाल केलं आहे. राघव प्रोडक्टिविटी एन्हांसर्सच्या शेअर्सने मागील ८ वर्षांत ५५०० टक्क्यांनी उसळी घेतली. कंपनीच्या शेअर्समध्ये ८ वर्षांपूर्वी १ लाख गुंतवणूक करणाऱ्यांचे आता ५७ लाख झाले आहेत. रेखा झुनझुनवाला आणि आशीष कचौलिया यांच्यासहित अनेक दिग्गजांनी या कंपनीवर डाव लावलाय. या कंपनीने मागील ८ वर्षांत त्यांच्या शेअरधारकांना २ वेळा बोनस शेअर देखील दिले आहेत.
राघव प्रोडक्टिविटी एन्हांसर्सचा शेअर २६ ऑगस्ट २०१६ साली २१.२५ रुपयांवर होता. तर कंपनीचा शेअर आज २ सप्टेंबर २०२४ रोजी १२२९.९५ रुपयांवर पोहोचला आहे. या कंपनीच्या शेअरमध्ये ८ वर्षांत ५५०० टक्क्यांनी वाढ झाली आहे. या कंपनीच्या शेअर्समध्ये २६ ऑगस्ट २०१६ साली ज्यांनी १ लाख रुपयांची गुंतवणूक केली असेल, तर आता त्यांच्या गुंतवणुकीचं मूल्य ५७.८८ लाख झालं असेल. तसेच यामध्ये कंपनीने दिलेले बोनस शेअर्स आणि लाभांशचा (Dividend) देखील समावेश करण्यात आलेला नाही. कंपनीच्या शेअर्सचा समावेश ५२ आठवड्यांच्या उच्च पातळवीर झाला आहे. या कंपनीच्या शेअर्सचं मूल्य आता १,२३६ रुपये झालं आहे. कंपनीच्या शेअर्सचा ५२ आठवड्यांची निचांक पातळी ही ४८५ रुपयांपर्यंत आहे.
रेखा झुनझुनवाला यांच्याकडे राघव प्रोडक्टिविटी एन्हांसर्स कंपनीचे ११,४३,८५२ शेअर्स असून कंपनीमध्ये ४.९८ टक्के भागीदारी आहे. तर आशीष कचौलिया यांच्याजवळ कंपनीचे ४,६३,३६६ शेअर्स असून कंपनीमध्ये त्यांची २.०२ टक्के भागीदारी आहे. मुकुल महावीर अग्रवाल यांच्याजवळ कंपनीचे ३,५६,१४८ शेअर्स आहेत.
या कंपनीने मागील ८ वर्षांत गुंतवणूकदारांना २ वेळा बोनस शेअर्स दिले आहेत. कंपनीने मे,२०१८ साली २.५ च्या प्रमाणाने बोनस शेअर्स दिले होते. कंपनीने ५ शेअर्सवर २ बोनस शेअर्स दिले होते. कंपनीने ऑगस्ट २०२३ मध्ये १:१ च्या प्रमाणाने बोनस शेअर्स दिले होते. कंपनीने एका शेअर्सवर १ शेअर दिला होता.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.