PM SVANidhi Yojana : फेरीवाल्यांसाठी खुशखबर! मिळणार ₹30,000 पर्यंत क्रेडिट कार्ड; 50 दिवस व्याज नाही

केंद्र सरकारकडून विविध योजना राबवून प्रत्येक व्यक्तीला आत्मनिर्भर बनवण्याचा प्रयत्न केला जातो. त्यातच देशातल्या छोट्या व्यावसायिकांना आणि स्ट्रीट वेंडर्सना मदत मिळाली म्हणून ' प्रधानमंत्री स्ट्रीट वेंडर्स आत्मनिर्भर निधी (PM SVANidhi) योजना सध्या राबवली जात आहे. यामध्ये पात्र असणाऱ्यांना कर्जासोबत क्रेडिट कार्डची सुविधाही मिळू शकते.

पीएम स्ट्रीट वेंडर्स योजनेमध्ये वेंडर्सना कोणतीही हमी न देता तीन टप्प्यांमध्ये कर्ज दिलं जातं. पहिल्या टप्प्यात १५ हजार रुपये, दुसऱ्या टप्प्यात २५ हजार आणि तिसऱ्या टप्प्यात ५० हजार रुपयांपर्यंतचं कर्ज मिळतं.

कोणाला क्रेडिट कार्ड मिळणार?

ज्या स्ट्रीट वेंडर्सनी पीएम स्वनिधी अंतर्गत घेतलेले दुसऱ्या टप्प्यातले कर्ज वेळेवर फेडलंय, तसेच तिसऱ्या टप्प्यातल्या कर्जासाठी पात्र आहेत किंवा त्यांनी तिसरे कर्ज घेतलंय, त्यांना UPI-Linked RuPay Credit Card मिळू शकतं. या कार्डची क्रेडिट लिमिट ३० हजार रुपयांपर्यंत असू शकतं. तिसऱ्या टप्प्यातलं कर्ज पूर्ण फेडलेले लाभार्थी सुद्धा या सुविधेसाठी अर्ज करू शकतात.

२० ते ५० दिवसांपर्यंत टॅक्स फ्री क्रेडिट

या क्रेडिट कार्डाचा महत्त्वाचा फायदा म्हणजे वेळेवर बिल भरल्यावर २० ते ५० दिवसांपर्यंत टॅक्स फ्री क्रेडिट मिळू शकतं. डिजिटल व्यवहारांना प्रोत्साहन देण्यासाठी स्ट्रीट वेंडर्सना किरकोळ आणि घाऊक डिजिटल व्यवहारांवर १,६०० रुपयांपर्यंत कॅशबॅक प्रोत्साहन दिलं जातं.