PM Kisan Yojana: ९ कोटी पोशिंद्याच्या खात्यावर ४८ तासात ₹२००० येणार; या शेतकऱ्यांना योजनेतून वगळले, तुमचं नाव तर नाही ना?

पीएम किसान योजनेच्या लाभार्थी शेतकऱ्यांसाठी आनंदाची बातमी आहे. पीएम किसान योजनेत शेतकऱ्यांना दोन दिवसात २१वा हप्ता मिळणार आहे. शेतकऱ्यांच्या खात्यात १९ नोव्हेंबर रोजी २००० रुपये जमा केले जाणार आहे. केंद्र सरकारने याबाबत घोषणा केली आहे. दरम्यान, या योजनेअंतर्गत काही शेतकऱ्यांना पैसे मिळणार नाहीत. लाखो शेतकऱ्यांची नावे या योजनेतून वगळण्यात आली आहेत. तुम्हाला पैसे मिळणार की नाही हे जाणून घ्या.

तुम्हाला पीएम किसानचे २००० रुपये मिळणार का?

पीएम किसान योजनेत फक्त जे शेतकरी लाभार्थी आहेत त्यांनाच लाभ मिळणार आहे. जर तुम्ही निकषांबाहेर जाऊन योजनेचा लाभ घेत असाल तर तुम्हाला पैसे मिळणार नाहीत. दरम्यान, तुम्हाला पैसे मिळणार की नाही, याबाबत स्टेट्‍स तुम्ही चेक करु शकतात.

लाडकी बहीण योजना स्टेट्‍स कसा चेक करायचा? (PM Kisan Yojana Status Check Process)

तुम्हाला सर्वात आधी pmkisan.gov.in वर जायचे आहे.

यानंतर Beneficiary List वर क्लिक करा.

यानंतर तुमचे राज्य, जिल्हा, तालुका आणि गाव सिलेक्ट करायचे आहे.

यानंतर Get Report वर क्लिक करा.

या यादीत जर तुमचे नाव असेल तर तुम्हाला योजनेचा लाभ मिळणार आहे. जर या यादीत तुमचे नाव नसेल तर तुम्हाला पैसे मिळणार नाहीत. यामागे अनेक कारणे असू शकतात.

या शेतकऱ्यांना मिळणार नाही लाभ (These Farmers Will not Get PM Kisan Yojana Benefit)

पीएम किसान योजनेत ज्या शेतकऱ्यांनी केवायसी केली नाही त्यांना पुढचा हप्ता मिळणार नाही.केंद्र सरकारने याबाबत माहिती दिली आहे. याचसोबत बँक अकाउंट आणि आधार कार्ड लिंक नसेल तरी तुम्हाला योजनेचा लाभ मिळणार नाही. दरम्यान, जर तुम्ही चुकीचे कागदपत्र अपलोड केले असेल तरी तुम्हाला योजनेचा लाभ मिळणार नाही.