PM Kisan Yojana: ९.७ कोटी शेतकर्‍यांना आज खुशखबर मिळणार! ₹२००० च्या हप्त्याबाबत घोषणा होण्याची शक्यता

पीएम किसान योजनेचे (PM Kisan Yojana) लाभार्थी शेतकरी २१व्या हप्त्याची खूप दिवसांपासून वाट पाहत आहेत. २१वा हप्ता ऑक्टोबरमध्ये येण्याची शक्यता होती. मात्र, आता नोव्हेंबर महिना सुरु झाला आहे तरीही शेतकऱ्यांच्या खात्यात पैसे जमा झाले नाहीत. त्यामुळे शेतकऱ्यांच्या खात्यात कधी पैसे येणार, असा प्रश्न विचारला जात आहे.दरम्यान, आज पीएम किसान योजनेच्या हप्त्याबाबत मोठा निर्णय होऊ शकतो.

पीएम किसान योजनेबाबत आज होणार निर्णय (PM Kisan Yojana 21st Installment Update)

आज केंद्रीय मंत्रिमंडळाची बैठक आहे. याच मंत्रिमंडळ बैठकीत पीएम किसान योजनेच २१वा हप्ता कधी द्यायचा याबाबत निर्णय होऊ शकतो. त्यानंतर घोषणा केली जाण्याची शक्यता आहे. आज दुपारी मंत्रिमंडळाची बैठक होणार आहे. त्यानंतर शेतकऱ्यांना खुशखबर मिळू शकते. दरम्यान, अजून याबाबत अधिकृत माहिती समोर आलेली नाही. लवकरच याबाबत माहिती दिली जाईल.

पीएम किसान योजनेत २०वा हप्ता हा २ ऑगस्ट २०२५ रोजी देण्यात आला होता. देशातील ९.७ कोटी शेतकऱ्यांच्या खात्यात पैसे जमा करण्यात आले आहे. यावेळीदेखील कोट्यवधी शेतकऱ्यांना २१वा हप्ता मिळणार आहे.

२१वा हप्ता कधी येणार?

केंद्र सरकारने शेतकऱ्यांना आर्थिक मदत मिळावी, या उद्देशाने पीएम किसान सन्मान निधी योजना सुरु केली आहे. या योजनेत शेतकऱ्यांना दर चार महिन्यांनी २००० रुपये दिले जातात. २०१९ मध्ये ही योजना सुरु केली होती. तेव्हापासून वर्षभरात शेतकऱ्यांना ६००० रुपये दिले जातात. आतापर्यंत २० हप्ते जमा झाले आहेत. त्यानंतर आता २१व्या हप्त्याची घोषणा होण्याची शेतकरी वाट पाहत आहेत. २०वा हप्ता २ ऑगस्ट रोजी देण्यात आला होता.