PM Kisan Yojana: पीएम किसान योजनेचा हप्ता नोव्हेंबरच्या पहिल्या आठवड्यात येणार; कारण काय? वाचा

भारत हा कृषीप्रधान देश आहे.देशातील शेतकऱ्यांसाठी सरकारने खास योजना राबवली आहे. पीएम किसान योजनेअंतर्गत शेतकऱ्यांना २००० रुपये दिले जातात. दरम्यान, आता २१वा हप्ता कधी येणार असा प्रश्न शेतकरी विचारत आहेत. लवकरच शेतकऱ्यांच्या खात्यात पैसे जमा केले जाणार आहेत. वर्षातून तीन वेळा शेतकऱ्यांच्या खात्यात पैसे जमा केले जातात. नोव्हेंबर महिन्याच्या पहिल्या आठवड्यात शेतकऱ्यांच्या खात्यात पैसे जमा केले जाऊ शकतात.

मीडिया रिपोर्टनुसार, सरकार नोव्हेंबरच्या पहिल्या आठवड्यात पैसे जमा करण्याची शक्यता आहे. आतापर्यंत कोणतीही अधिकृत माहिती समोर आलेली नाही. यामध्ये सध्या बिहार विधानसभा निवडणुकांची तयारी सुरु आहे. ही निवडणून ६ आणि ११ नोव्हेंबर रोजी होणार आहे.दरम्यान, या निवडणुकांच्या आधी पैसे दिले जातील.

काही राज्यांमध्ये पीएम किसान योजनेचा हप्ता देण्यात आली आहे. २६ सप्टेंबर रोजी कृषीमंत्री शिवराज चौहान यांनी पंजाब, हरियाणा, हिमाचल प्रदेशमधील शेतकऱ्यांना पैसे दिले होते. या राज्यांमध्ये पूरपरिस्थिती निर्माण झाली होती. त्यामुळे या राज्यातील शेतकऱ्यांना आधीच पैसे दिले आहेत. जम्मू काश्मीरमधील शेतकऱ्यांनादेखील ७ ऑक्टोबर रोजी पैसे देण्यात आले आहे. त्यानंतर इतर राज्यातील शेतकऱ्यांना २१व्या हप्त्याची प्रतिक्षा आहे.

पीएम किसान योजना २०१९ रोजी सुरु करण्यात आली होती. या योजनेत आतापर्यंत २० हप्ते देण्यात आले आहे.दरम्यान आता हा २१वा हप्ता फक्त केवायसी केलेल्या शेतकऱ्यांनाच मिळणार आहे. हप्ता मिळवण्यासाठी केवायसी अनिवार्य आहे. त्यामुळे शेतकऱ्यांनी लवकरच केवायसी करावी.