LPG Price: होळीआधी सर्वसामान्यांना झटका! LPG गॅसच्या किंमती वाढल्या; वाचा ताजे दर

देशातील तेल कंपन्या दर महिन्याच्या पहिल्या दिवशी एलपीजी गॅसच्या नवीन किंमती जाहीर करतात. आजदेखील १ मार्च रोजी एलपीजी गॅसच्या किंमती जाहीर करण्यात आल्या आहेत. आज एलपीजी गॅसच्या किंमतीत वाढ झाली आहे. त्यामुळे व्यावसायिकांच्या खिशाला चांगलाच फटका बसण्याची शक्यता आहे.

एलपीजी गॅसच्या किंमती २८ रुपयांनी वाढल्या (LPG Cylinder Price Hike)

व्यावसायिक एलपीजी गॅसच्या किंमती वाढल्या आहेत.त्यामुळे रेस्टॉरंट, हॉटेल आणि लहान व्यवासायिकांना फटका बसण्याची शक्यता आहे. आता तुम्हाला १९ किलो वजनाचा एलपीजी गॅस सिलेंडर १७६८.५० रुपयांना मिळणार आहे. याआधी हा दर १७४०.५० रुपये होता. या दरात २८ रुपयांनी वाढ झाली आहे.

संपूर्ण देशभरात कमर्शियल एलपीजी गॅसच्या किंमती बदलल्या आहेत. या किंमतीत २८ रुपयांनी वाढ झाली आहे. दरम्यान, घरगुती गॅसच्या किंमतीत कोणताही बदल झालेला नाही. घरगुती गॅसच्या किंमती न बदलल्याने सर्वसामान्यांना, गृहिणींना दिलासा मिळाला आहे.

गॅसच्या किंमती वाढल्या

घरगुती गॅसच्या किंमती मुंबईत ८५२.५० रुपये आहेत. घरगुती गॅस हा १४.२ किलोचा असतो. दिल्लीत घरगुती गॅसच्या किंमती ८५३ रुपये आहेत. कोलकत्त्यात घरगुती गॅसच्या किंमती ८७९ रुपये आहेत. चेन्नईत घरगुती गॅसच्या किंमती ८६८.५० रुपये आहेत.

एलपीजी गॅसच्या किंमती कशा निश्चित होतात?

एलपीजी गॅसच्या किंमती या अनेक घटकावर अवलंबून असतात. हे दर आयपीपीद्वारे ठरवले जातात. यामध्ये आंतरराष्ट्रीय बाजारातील गॅसच्या किंमती, डॉलर रुपया आणि मालवाहतून याचसोबत कर यावर हे दर ठरवले जातात. कर आणि लॉजिस्टिकचा खर्च हा राज्यानुसार बदलतो. त्यामुळे एलपीजीच्या किंमतींमध्ये फरक पडतो.