LIC Child Investment : दिवसाला १५० रुपये जमा करून मिळवा १९ लाख... LICची जबरदस्त योजना; वाचा संपूर्ण गणित

सध्याची महागाई वाढत चालली आहे. त्यामुळे थोडी गुंतवणूक करणं भविष्यासाठी खूप फायदेशीर ठरणार आहे. पण यासाठी तुमच्याकडे जास्त पैसे नसतील तर तुम्ही LICमध्ये कमीत कमी पैशात गुंतवणूक करून १९ लाख रुपये कमवू शकता. महत्वाचं म्हणजे तुम्हाला यामध्ये फक्त दिवसाच्या खर्चातून १५० रुपये बाजूला काढावे लागतील. पुढे आपण याचं गणित समजून घेऊयात.

LIC ची जबरदस्त योजना

LIC मध्ये लहान मुलांपासून ते वृद्धापर्यंत गुंतवणूक करू शकता. तुम्हाला कमी पैशातही गुंतवणूक करता येते. या स्कीमचे नाव हे न्यू चिल्ड्रन मनी बॅक प्लान (LIC New Children Money Back Plan) असे आहे. तुम्ही मुलांच्या नावावर यात गुंतवणूक करू शकता. याचा परतावा मुलांना १८ वर्षे पूर्ण झाल्यावर मिळतो. म्हणजेच तरुणपणी शिक्षणासाठी किंवा इतर कोणत्याही गोष्टींसाठी तुम्हाला फायदा होतो. यात मुलांचं वय १ ते १२ वर्षांच्यामध्ये असेल तर तुम्ही गुंतवणूक करू शकता.

१९ लाख रुपये मिळवण्यासाठीचे गणित

तुम्हाला या योजनेत गुंतवणूक करायची असेल तर तुम्ही पुढील गोष्टी समजून घेणं महत्वाचं आहे. तर तुम्ही दिवसाला १५० रुपये वाचवून महिन्याला ४५०० रुपये जमा करू शकता. जे एका वर्षात ५५,००० रुपये होतील. जर तुम्ही ही रक्कम एलआयसी न्यू चिल्ड्रेन मनी बॅक पॉलिसीमध्ये गुंतवली, तर २५ वर्षांनंतर मॅच्युरिटीला तुम्ही जमा केलेली रक्कम १४ लाख रुपये होईल.

यामध्ये बोनस आणि मॅच्युरिटी बेनिफिटचे गणित केले तर एकूण अंदाजे १९ लाख रुपये सहज होतील. अशा प्रकारे तुम्ही भविष्यात लाभ मिळवू शकता. नियमांनुसार, तुमच्या मुलाला वयाच्या १८, २० आणि २२ व्या वर्षी मूळ विमा रकमेच्या २०% रक्कम देईल. वयाच्या २५ व्या वर्षी, उर्वरित ४०% रक्कम, ठेवीवर LICने दिलेल्या बोनससह देण्यात येईल.