LIC Policy: दररोज ४५ रुपये गुंतवा अन् २५ लाख मिळवा; एलआयसीच्या जीवन आनंद पॉलिसीचं कॅलक्युलेशन काय? जाणून घ्या

प्रत्येकजण आपले भविष्य आर्थिकदृष्ट्या सुरक्षित व्हावे, यासाठी वेगवेगळ्या योजनांमध्ये गुंतवणूक करतात. जेणेकरुन वृद्ध काळात तुम्हाला दर महिन्याला ठरावीक रक्कम मिळेल. यासाठी अनेक सरकारी योजना, पोस्ट ऑफिसच्या योजना आहे. गुंतवणूकीसाठी एलआयसीची जीवन आनंद पॉलिसी उत्तम आहे.

एलआयसीच्या जीवन आनंद पॉलिसीमध्ये गुंतवणूक केल्यानंतर तुम्हाला आयुष्यभर पेन्शन मिळणार आहे. एलआयसीच्या जीवन आनंद पॉलिसीत रोज ४५ रुपयांची गुंतवणूक करुन २५ लाख रुपये मिळवू शकतात. (LIC Policy)

एलआयसीच्या जीवन आनंद पॉलिसी हा एक टर्म प्लान आहे. या योजनेत तुम्ही कितीही कालावधीसाठी गुंतवणूक करु शकतात. या योजनेत मॅच्युरिटीनंतर अनेक फायदे मिळतात. या योजनेत कमीत कमी १ लाख रुपये एश्योर्ड असतात. जास्तीत जास्त तुम्ही कितीही रक्कम गुंतवू शकतात.

एलआयसी जीवन आनंद पॉलिसीत तु्म्ही दररोज ४५ रुपयांची गुंतवणूक करु शकतात. महिन्याला तुम्ही १३५८ रुपये जमा करु शकतात. या योजनेत मॅच्युरिटीनंतर तुम्हाला २५ लाख रुपये मिळणार आहे.

जीवन आनंद पॉलिसी ही लाँग टर्म इन्वेस्टमेंट आहे. या योजनेत तुम्ही जर दररोज ४५ रुपये ३५ वर्षांसाठी भरले तर मॅच्युरिटी पूर्ण झाल्यानंतर तुम्हाला २५ लाख रुपये मिळतील. या योजनेत तुम्ही दिवसाला ४५ म्हणजेच वर्षाला १६,३०० रुपयांची गुंतवणूक करतात. (LIC Jeevan Anand Policy)

एलआयसीच्या जीवन आनंद पॉलिसीत गुंतवणूक केल्यानंतर ५,७०,५०० रुपये जमा होतात. यातील ५ लाख रुपये एश्योर्ड असते.त्यानंतर रिविजनरी बोनस ८.६० लाख रुपये मिळतात. त्यानंतर फायनल बोनस ११.५० लाख रुपये मिळतो. यामुळे तुम्हाला चांगले पैसे मिळणार आहे.

पोस्ट ऑफिसच्या जीवन आनंद पॉलिसीत कर सूटदेखी मिळतात. या योजनेत तुम्हाला दोन वेळा बोनस दिला जातो. परंतु त्यासाठी तुमची पॉलिसी १५ वर्षांची असणे गरजेचे आहे.