लाडकी बहीण योजनेच्या लाभार्थ्यांसाठी मोठी अपडेट समोर आली आहे. लाडकी बहीण योजनेत सध्या महिलांना सध्या दर महिन्याला १५०० रुपये मिळत आहेत. विधानसभा निवडणूकीपूर्वी ही योजना सुरु करण्यात आली होती. तेव्हा निवडणूकीपूर्वी महायुती सरकारने लाडकी बहीण योजनेचे पैसे २१०० रुपये देण्याचे आश्वासन दिले होते. मात्र, विधानसभा निवडणुका होऊन ६ महिन्यापेक्षा जास्त काळ झाला आहे. तरीही अद्याप २१०० रुपयांबाबत कोणतीही घोषणा झालेली नाही. दरम्यान, आता यावर मुख्यमंत्री देवेंद्र फडणवीसांनी आपली प्रतिक्रिया दिली आहे.
देंवेंद्र फडणवीस काय म्हणाले? (Devandra Fadnavis On Ladki Bahin Yojana)
लाडकी बहीण योजना जून महिन्यात सुरु झाली होती. सुरुवातीला सर्वच महिलांना पैसे देण्यात आले. त्यानंतर विधानसभा निवडणूकीनंतर पैसे वाढवण्याची घोषणा केली होती. मात्र, निवडणूकीनंतर योजनेला मापदंड लागले. महिलांच्या अर्जांची पडताळणी सुरु झाली. यानंतर पैसे कधी वाढणार असे प्रश्न विचारण्यात आले. यावर देवेंद्र फडणवीसांनी सांगितले की, योग्य वेळ आल्यावर लाडकी बहीण योजनेचे पैसे वाढवणार. आता ती योग्य वेळ कधी येते याची लाडक्या बहिणींना वाट पाहावी लागणार.
२१०० रुपये कधी मिळणार?
विधानसभा निवडणुका संपल्यावर लगेचच २१०० रुपयांची घोषणा होईल, अशी अपेक्षा लाडक्या बहिणींना होती. परंतु अजूनपर्यंत याबाबत कोणतीही अंबलबजावणी करण्यात आलेली नाही. त्यामुळे लाडक्या बहिणी आता २१०० रुपयांच्या प्रतिक्षेत आहेत. लाडकी बहीण योजनेमुळे सरकारी तिजोरीवर ताण येत आहे. त्यामुळे राज्याची आर्थिक परिस्थिती सुधारल्यावर योजनेचे पैसे वाढवले जातील, असं सांगितलं जात आहे.
लाडकी बहीण योजना काय आहे?
लाडकी बहीण योजना ही खास महिलांसाठी सुरु करण्यात आली आहे. यात महिलांना आर्थिक मदत मिळते.
लाडकी बहीण योजनेत किती पैसे मिळतात?
लाडकी बहीण योजनेत महिलांना दर महिन्याला १५०० रुपये मिळतात.
लाडकी बहीण योजनेत २१०० रुपये कधी मिळणार?
राज्याची आर्थिक परिस्थिती सुधारल्यावर लाडक्या बहिणींना २१०० रुपये मिळणार आहेत.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.