Ladki Bahin Yojana: जानेवारी महिन्यात लाडक्या बहि‍णींना १५०० मिळणार की २१००; जाणून घ्या सविस्तर

महायुती सरकारने महिलांसाठी लाडकी बहीण योजना राबवली आहे. या योजनेत महिलांना दर महिन्याला १५०० रुपये मिळतात. या योजनेत महिलांना आता लवकरच २१०० रुपये दिले जाणार आहे. लाडकी बहीण योजनेचा निधी वाढवण्याचे आश्वासन महायुती सरकारने दिले आहे. तर आता जानेवारी महिन्याला महिलांना १५०० रुपये मिळणार की २१०० रुपये याबाबत संभ्रम महिलांच्या मनात निर्माण झाला आहे. (Ladki Bahin Yojana)

लाडकी बहीण योजनेत डिसेंबर महिन्याचा हप्ता दिला आहे. विधानसभा निवडणुकीनंतर २१०० रुपये दिले जातील, असं सांगितलं जात होतं. त्यामुळे डिसेंबर महिन्यातच २१०० रुपये मिळतील, असं महिलांना वाटत होतं. मात्र, अजूनही या वाढीव निधीबाबत कोणताही निर्णय झालेला नाही.त्यामुळे डिसेंबर महिन्यात महिलांना १५०० रुपये देण्यात आले होते. (Ladki Bahin Yojana Update)

दरम्यान, आता महिलांना २१०० रुपये मिळणार का याबाबत महिलांच्या मनात प्रश्न निर्माण झाला आहे. महिलांना जानेवारी महिन्यात १५०० रुपये मिळणार की २१०० रुपये याकडे सर्वांचेच लक्ष आहे. महिलांना या महिन्यातदेखील १५०० रुपये मिळणार आहेत.

अर्थसंकल्पीय अधिवेशनानंतर महिलांना २१०० रुपये हप्ता दिला जाईल, अशी माहिती आदिती तटकरे यांनी दिली होती. त्यामुळे महिलांना या महिन्यातदेखील १५०० रुपये मिळणार आहे. लाडकी बहीण योजनेचा लाभ घेणाऱ्या महिला इतर कोणत्याही योजनेचा लाभ घेत नसाव्यात. जर महिला पीएम किसान सन्मान निधी आणि नमो शेतकरी योजनेचा लाभ घेत असतील तर त्यांना फक्त एकाच योजनेचा लाभ घेता येणार आहे.