Ladki Bahin Yojana: २० लाख शेतकरी महिला नावडत्या; 'नमो शेतकरी' योजनेपासून राहणार वंचित

मुख्यमंत्री माझी लाडकी बहीण योजना ही गेमचेंजर ठरली आहे. विधानसभा निवडणुकीत महायुती सरकारला खूप यश मिळालं.या योजनेअंतर्गत महिलांच्या खात्यात दर महिन्याला १५०० रुपये जमा केले जातात. परंतु आता लाडक्या शेतकरी बहि‍णींना नमो शेतकरी योजनेचा पूर्ण लाभ मिळणार नाहीये. (Ladki bahin Yojana)

लाडकी बहीण योजनेच्या लाभार्थी असलेल्या २० लाख शेतकरी महिलांना नमो शेतकरी योजनेचा पूर्ण लाभ मिळणार नाहीये. या योजनेत वर्षाला १८००० रुपये दिले जायचे. परंतु आता यातील ६००० रुपये कापले जाणार आहे. त्यामुळे नमो शेतकरी योजनेत लाभाची रक्कम आता कमी मिळणार आहे. म्हणजेच फक्त १२००० रुपये वार्षिक मिळणार आहे. (Namo Shetkari Yojana)

लाडकी बहीण योजनेच्या सर्वाधिक लाभार्थी महिला या नमो शेतकरी महासन्मान योजनेच्याही लाभार्थी आहे. त्यामुळे हा निर्णय घेण्यात आला आहे. या निर्णयामुळे शेतकरी महिलांमध्ये नाराजी निर्माण झाली आहे.

लाडकी बहिण आणि नमो शेतकरी योजनेच्या २० लाख महिला शेतकरी लाभार्थी आहेत, असं सूत्रांचे म्हणणे आहे. त्यामुळेच आता या महिलांचे पैसे कापले जाणार आहे.म्हणजेच महिलांना नमो शेतकरी योजनेअंतर्गत फक्त १२००० रुपये मिळणार आहेत.

याबाबत आदिती तटकरे म्हणाल्या की, इतर योजनांचा लाभा घेणाऱ्या महिलांना घेतलेल्या रक्कमेच्या वरील रक्कम लाडकी बहीण योजनेतून देण्यातयेणार आहे. त्यासाठी आम्ही कृषी विभागाशी समन्वय साधून पुढील कार्यवाही करु.