Ladki Bahin Yojana: आधार लिंक करा, अन्यथा अर्ज बाद होणार, लाडक्या बहिणींनो ९००० रुपये गमावाल

महाराष्ट्र सरकारची मुख्यमंत्री माझी लाडकी बहीण योजना सुपरहीट ठरली आहे. या योजनेत महिलांना १५०० रुपये मिळत आहे. आता या योजनेत २१०० रुपये दिले जाणार आहेत. या योजनेत अर्थसंकल्पीय अधिवेशनानंतर महिलांना २१०० रुपये दिले जाणार आहे. दरम्यान, जर तुम्ही आधार कार्ड लिंक नसेल तर तुमचे अर्ज बाद होणार आहेत. (Ladki Bahin Yojana)

लाडकी बहीण योजनेचा लाभ घेण्यासाठी महिलांना आधार कार्ड आणि बँक अकाउंट लिंक असणे गरजेचे आहे.जर तुमचे आधार कार्ड लिंक नसेल तर तुम्हाला पैसे मिळणार नाहीत. त्यामुळे आधार कार्ड आणि बँक अकाउंट लिंक करण्यास सांगिले होते.

लाडकी बहीण योजनेत पात्र महिलांच्या अकाउंटमध्ये पैसे जमा झाले आहेत.परंतु ज्या महिलांनी आधार कार्ड लिंक केले नाही त्यांना पैसे मिळाले नाहीत. दरम्यान, ज्या महिलांनी सुरुवातीला अर्ज केले आहेत परंतु त्यांना पैसे आले नाहीत त्यांना पुढच्या महिन्यात एकदम ६ हप्ते येऊ शकतात. त्यामुळे जर तुम्ही सुरुवातीला फॉर्म भरला असेल अन् आतापर्यंत एकही रुपया तुम्हाला मिळाला नसेल तर तुम्हाला ९००० रुपये मिळू शकतात. (Ladki Bahin Yojana Update)

लाडकी बहीण योजना पात्रता

लाडकी बहीण योजनेत महिलांना अर्थसंकल्पीय अधिवेशनानंतर २१०० रुपये दिले जाऊ शकतात. या योजनेचा लाभ घेणारी महिला महाराष्ट्राची रहिवासी असणे गरजेचे आहे. त्याचसोबत महिलांच्या कुटुंबाचे वार्षिक उत्पन्न २.५ लाख रुपये असावे. तसेच कुटुंबातील कोणताही व्यक्ती सरकारी नोकरीत नसावा. आतापर्यंत आधार आणि बँक अकाउंट लिंक नसल्याने १६ लाख महिलांचे अर्ज बाद झाले आहेत.