Ladki Bahin Yojana: लाडक्या बहि‍णींना सप्टेंबरचा हप्ता कधी येणार? ८ दिवसात मोठी घोषणा होण्याची शक्यता

लाडकी बहीण योजनेच्या लाभार्थी आता सप्टेंबर महिन्याच्या हप्त्याची वाट पाहत आहेत. लाडकी बहीण योजनेत ऑगस्टचा हप्ता लांबणीवर गेला होता. त्यानंतर आता सप्टेंबरचा हप्ता कधी येणार याकडे सर्वांचेच लक्ष लागले आहे. दरम्यान, पुढच्या ८ दिवसात याबाबत घोषणा होऊ शकते.

सप्टेंबर महिना संपायला अवघे काही दिवस उरले आहेत. दरम्यान, अजूनपर्यंत सप्टेंबरच्या हप्त्याबाबत कोणतीही अधिकृत माहिती समोर आलेली नाही.लवकरच याबाबत माहिती दिली जाण्याची शक्यता आहे.

सप्टेंबरचा हप्ता कधी येणार? (Ladki Bahin Yojaa September Month Installment Update)

सप्टेंबर महिन्याचा हप्ता कदाचित लांबणीवर जाऊ शकतो. मागील २-३ महिन्याचे हप्ता लांबणीवर गेले होते. त्यामुळे या महिन्याचा हप्तादेखील पुढे जाण्याची शक्यता आहे.मात्र, याबाबत लवकरच अधिकृत माहिती समोर येईल. महिला व बालविकास मंत्री आदिती तटकरे याबाबत माहिती देतात. त्यांनी माहिती दिल्यानंतरच महिलांच्या खात्यात पैसे जमा होती.

केवायसीमुळे सप्टेंबरचा हप्ता लांबणीवर जाणार?

सप्टेंबरच्या हप्त्याबाबत कोणतीही अपडेट समोर आलेली नाही. मात्र, लाडक्या बहि‍णींना केवायसी करणे अनिवार्य केले आहे. त्याची प्रोसेसदेखील सुरु झाली. त्यामुळेदेखील हप्ता लांबणीवर जाऊ शकतो, असं सांगितलं जात आहे. या पुढच्या काही दिवसात सप्टेंबरचा हप्ता महिलांच्या खात्यात जमा होईल, अशी आशा सर्व महिलांना आहे.

लाडकी बहीण योजनेबाबत महत्त्वाचा निर्णय

लाडकी बहीण योजनेत आता दरवर्षी महिलांच्या अर्जांची केवायसी केली जाणार आहे. याची प्रोसेस सुरु झाली आहे. यासाठी दोन महिन्यांना वेळदेखील देण्यात आला आहे. दरम्यान, लाडकी बहीण योजनेच्या केवायसीसाठी ऑनलाइन प्रोसेस असणार आहे. तुम्हाला अधिकृत वेबसाइटवर जाऊन केवायसी पूर्ण करायचे आहे. जर तुम्ही केवायसी केले नाही तर तुमचा लाभ थांबवला जाईल. तुम्हाला यापुढे योजनेचे पैसे मिळणार नाहीत.