Ladki Bahin Yojana: लाडक्या बहि‍णींसाठी आनंदाची बातमी! नवीन वर्षात मिळणार २१०० रुपये; कधी?जाणून घ्या सविस्तर

महाराष्ट्र सरकारने २०२४ मध्ये मुख्यमंत्री माझी लाडकी बहीण योजना सुरु केली होती. जुलै महिन्यापासून ही योजना राबवण्यात आली. या योजनेअंतर्गत महिलांना दर महिन्याला १५०० रुपये दिले जातात. या योजनेत महिलांना डिसेंबर महिन्याचा हप्ता मिळाला आहे.

दरम्यान, महिलांना हप्ता वाढवून २१०० रुपये देणार असल्याचे आश्वासन महायुती सरकारने केले होते. या योजनेत आता नवीन वर्षात २१०० रुपये दिले जाणार आहे. मात्र, हे पैसे कोणत्या महिन्यापासून देण्यात येणार, याबाबत कोणतीही माहिती समोर आलेली नाही. (Ladki bahin yojana)

लाडकी बहीण योजनेत डिसेंबर महिन्याचा हप्ता जमा झाला आहे. जानेवारी महिन्याचा हप्ता संक्रातीआधी देणार असल्याचे सांगण्यात येत आहे. त्यानंतर मार्च महिन्यापासून कदाचित लाडक्या बहि‍णींना २१०० रुपये मिळू शकतात. मार्च महिन्यात अर्थसंकल्पीय अधिवेशनानंतर महिलांना पैसे दिले जाणार असल्याचे आदिती तटकरे यांनी सांगितले आहे.(Ladki Bahin Yojana New Update)

लाडकी बहीण योजनेत नव्याने १२ लाख महिलांचा समावेश करण्यात आला आहे. ज्या महिलांना आतापर्यंत एकही हप्ता मिळाला नाही, त्यांना रजिस्ट्रेशन केलेल्या महिन्यापासून पैसे मिळणार असल्याचे सांगितले आहे. परंतु यासाठी याबाबत कोणतीही अधिकृत माहिती समोर आलेली नाही. (Ladki Bahin Yojana)

लाडकी बहीण योजनेत ज्या महिलांचे आधार कार्ड आणि बँक अकाउंट लिंक असेल त्यांनाच पैसे मिळणार आहे. जर तुमचे बँक अकाउंट लिंक नसेल तर तुमच्या अकाउंटला पैसे जमा होणार नाहीत. तसेच महिलांच्या अर्जाची पुन्हा तपासणी केली जाणार आहे. ज्या महिलांनी खोटी माहिती भरुन अर्ज केलेत त्यांना या योजनेत लाभ मिळणार नाही.