Ladki Bahin Yojana eKYC: चूक दुरूस्त करण्याची शेवटची संधी, लाडकींनो आताच करा हे काम, अन्यथा ₹१५०० विसरा

लाडकी बहीण योजनेच्या लाभार्थ्यांना ईकेवायसी करणे अनिवार्य आहे. जर ईकेवायसी केली नाही तर महिलांना हप्ता मिळणार नाही. ईकेवायसी करण्याची शेवटची तारीख उलटून गेली आहे.त्यानंतर कोणालाच नव्याने ईकेवायसी करण्यास मिळणार नाहीये. मात्र, ईकेवायसीमध्ये दुरुस्ती करण्याची संधी मात्र महिलांना मिळणार आहे. त्यामुळे ज्या महिलांनी ईकेवायसीमध्ये काही चुकीची माहिती दिली असेल तर ती दुरुस्त करण्याची संधी आहे.

ईकेवायसी दुरुस्तीसाठी शेवटची संधी

लाडकी बहीण योजनेत ईकेवायसी करताना महिलांच्या चुका झाल्या आहेत. त्यामुळे त्यांचा लाभ बंद झाला आहे. प्रश्न व्यवस्थित न समजल्याने महिलांनी चुकीची उत्तरे दिली होती. मात्र, आता या चुका सुधारण्याची संधी महिला व बालविकास विभागाने दिली आहे. महिलांनी केवायसीमध्ये ऑनलाइन पद्धतीने दुरुस्ती करायची आहे.

या तारखेपर्यंत करता येणार केवायसी (Ladki Bahin Yojana eKYC Deadline)

लाडकी बहीण योजनेत ईकेवायसी करण्याची संधी ३१ डिसेंबर होती. त्यानंतर नव्याने केवायसी बंद झाली आहे. मात्र, दुरुस्तीसाठी एक संधी दिली आहे. तुम्हाला ३१ मार्चपर्यंत केवायसीमध्ये दुरुस्ती करता येणार आहे. त्यामुळे पुढच्या २० दिवसांमध्ये तुम्हाला केवायसी करायची आहे. जर तुम्ही केवायसी केली नाही तर तुम्हाला योजनेचा लाभ मिळणार नाही.

ईकेवायसीत दुरुस्ती कशी करायची? (Ladki Bahin Yojana eKYC Step by Step Process)

सर्वात आधी तुम्हाला https://ladakibahin.maharashtra.gov.in/वेबसाइटवर जायचे आहे.

यानंतर ज्या लाभार्थ्यांकडून ईकेवायसीमध्ये चुकीचे पर्याय निवडण्यात आले आहेत, यावर क्लिक करा.

यानंतर तुम्हाला काही प्रश्नांची उत्तरे विचारली जाणार आहे. या प्रश्नांची योग्य उत्तरे द्यायची आहेत.

तुमची केवायसी झाल्यानंतर मेसेज येईल. यानंतर तुमचा लाभ पुन्हा सुरु होईल.