लाडक्या बहिणींसाठी महत्त्वाची बातमी
केवायसीमधील चुक सुधारण्याची शेवटची संधी
या तारखेपर्यंत करता येणार केवायसी
लाडकी बहीण योजनेच्या लाभार्थ्यांसाठी महत्त्वाची बातमी आहे. लाडकी बहीण योजनेच्या लाभार्थ्यांना केवायसी करणे अनिवार्य केले आहे. केवायसी न केल्यास महिलांचा लाभ बंद केला गेला आहे. दरम्यान, अनेक महिलांनी केवायसीमध्ये काही चुका केल्या आहेत. यामुळे त्यांचाही लाभ बंद झाला आहे. या महिलांसाठी सरकारने एक महत्त्वाची घोषणा केली आहे. आता महिलांना केवायसीमध्ये दुरुस्ती करण्यासाठी शेवटची संधी मिळाली आहे.
केवायसी करण्याची शेवटची संधी (Ladki Bahin Yojana eKYC Deadline)
लाडक्या बहिणींनी केवायसी केले आहे. परंतु केवायसीमध्ये काही प्रश्नांची चुकीची उत्तरे दिल्यामुळे त्यांचा लाभ बंद करण्यात आला आहे. या महिलांना डिसेंबरपासून पैसे मिळत नाहीये. त्यामुळे महिलांच्या मनात निराशा झाली आहे. दरम्यान, आता त्यानंतर या महिलांना केवायसीमध्ये दुरुस्तीसाठी मुदतवाढ देण्यात आली आहे.
महिला ३१ मार्च २०२६ पर्यंत केवायसीमध्ये दुरुस्ती करु शकतात. पुन्हा एकदा केवायसी करण्याची संधी त्यांना मिळाला आहे. यामध्ये त्यांना योग्य माहिती भरायची आहे. यानंतर पात्र महिलांचा लाभ पुन्हा सुरु केला जाणार आहे. एप्रिलपासून सर्व लाभार्थी महिलांच्या खात्यात पैसे जमा केले जाणार आहे.
या महिलांना मिळणार ६००० रुपये (Ladki Bahin Yojana These Women Will Get 6000 Rupees)
लाडकी बहीण योजनेत केवायसीमधील चुकांमुळे महिलांचा डिसेंबरपासूनचा लाभ बंद झाला आहे. आता हा लाभ पुन्हा सुरु केला जाणार आहे. एप्रिलमध्ये त्यांना सर्व रखडलेल्या हप्त्यांचे पैसे एकत्र देणार असल्याचे बोलले जात आहे. महिलांच्या खात्यात डिसेंबर, जानेवारी, फेब्रुवारी आणि मार्च असे ४ महिन्याचे हप्ते एकत्र दिले जातील, असं सांगितलं जात आहे.