Ladki Bahin Yojana: लाडकीच्या खात्यात ₹३००० जमा होणार; जानेवारी-फेब्रुवारीचा हप्ता एकत्र येणार? वाचा सविस्तर

जानेवारी महिना संपून आता फेब्रुवारी महिन्याचाही पहिला आठवडा संपला आहे. तरीही महिलांच्या खात्यात अजून जानेवारीचा हप्ता आलेला नाही. लाडकी बहीण योजनेचा हप्ता लांबणीवर गेला आहे. त्यामुळे महिलांच्या मनात अनेक प्रश्न निर्माण झाले आहेत. दरम्यान,जानेवारीचेच पैसे जमा झालेले नाहीत. त्यानंतर आता फेब्रुवारीच्या हप्त्याची वाट महिला बघत आहेत. आता जानेवारी आणि फेब्रुवारीचा हप्ता एकत्र येणार असल्याचेही बोलले जात आहे.

जानेवारी-फेब्रुवारीचा हप्ता एकत्र येणार? (Ladki Bahin Yojana January-Februaru Installment May Come Together)

फेब्रुवारी महिना सुरु झाला आहे. त्यामुळे फेब्रुवारीचा हप्ता कधी येणार असा प्रश्न विचारला जात आहे. जिल्हा परिषद निवडणूकीआधी जानेवारीचा हप्ता जमा होणार होता. मात्र, निवडणुकीसाठी मतदान होऊन गेले तरीही महिलांच्या खात्यात पैसे जमा झाले नाहीत. त्यामुळे अनेक प्रश्न निर्माण झाले आहेत. याचसोबत अनेक महिलांचा लाभ रखडल्याने महिलांनी नाराजी व्यक्त केली आहे.

जिल्हा परिषद निवडणूकीनंतर येणार पैसे (Ladki Bahin Yojana Installment Come After ZP Election)

लाडकी बहीण योजनेत जिल्हा परिषदेच्या निवडणुकीआधी एक हप्ता येणार असल्याचे सांगितले जात होते. मात्र, अजूनही पैसे जमा झालेले नाहीत. त्यामुळे आता जानेवारी आणि फेब्रुवारीचा दोन्ही हप्ते जिल्हा परिषदेच्या निवडणूकीनंतरच येण्याची शक्यता वर्तवली जात आहे. कधीही महिलांच्या खात्यात पैसे येऊ शकतात.

केवायसीतील दुरुस्तीसाठी मुदतवाढ

लाडकी बहीण योजनेत केवायसी करताना अनेक महिलांनी चुकीची माहिती भरली आहे. चुकीची माहिती भरल्याने त्यांच्या खात्यात पैसे जमा झालेले नाहीत. प्रश्नांची चुकीची उत्तरे दिल्याने या अडचण निर्माण झाल्या आहेत. दरम्यान, आता त्यावर तोडगा काढण्यात आला आहे. महिलांना ईकेवायसी दुरुस्तीसाठी ३१ मार्चपर्यंतची मुदत देण्यात आली आहे.