Ladki Bahin Yojana: कामाची बातमी! लाडक्या बहिणींनो 'हे' काम करा,अन्यथा मिळणार नाहीत ₹१५००

लाडकी बहीण योजनेबाबत मोठी अपडेट समोर आली आहे. लाडकी बहीण योजनेच्या लाभार्थ्यांना आता केवायसी करणे गरजेचे आहे. लाडकी बहीण योजनेत जर तुम्ही ई केवायसी केले नाही तर तुम्हाला योजनेचा लाभ मिळणार आहे. आतापर्यंत २६ लाखांहून अधिक महिलांनी योजनेतून बाद केले आहे. यानंतरही अनेक महिलांचे अर्ज बाद केले जाणार असल्याचे समोर आले आहे. जर तुम्ही योजनेचा लाभ घ्यायचा असेल तर तुम्हाला केवायसी करणे अनिवार्य आहे.

लाडकी बहीण योजनेत महिलांना दर महिन्याला १५०० रुपये दिले जातात. या योजनेअंतर्गत अनेक महिलांनी अपूर्ण माहिती दिली होती. याचसोबत नियमांचे उल्लंघन केले होते. त्यांचे अर्ज बाद करण्यात आले आहेत. त्यामुळेच आता पुन्हा एकदा सर्व लाभार्थी लाडक्या बहि‍णींची ई-केवायसी करण्याचा निर्णय सरकारने घेतला आहे. या केवायसीमध्ये ज्या महिलांनी निकषाबाहेर जाऊन योजनेचा लाभ घेतला आहे त्यांचे अर्ज बाद केले जाणार आहेत.

या महिलांना मिळणार नाही पैसे (These Women Will Not Get Ladki Bahin Yojana Money)

ज्या महिलांनी योजनेच्या निकषाबाहेर जाऊन लाभ घेतला आहे त्यांचे अर्ज बाद केले जाणार आहेत. तसेच ज्या महिलांना ई केवायसी करण्यास सांगितले आहे. ई-केवायसी करुन फेरपडताळणी केली जाणार आहे. यातून ज्या लाभार्थ्यांनी निकषाबाहेर आहेत त्यांचा लाभ बंद होणार आहे.

लाडक्या बहिणींना ऑगस्टचे पैसे कधी मिळणार? (Ladki Bahin Yojana August Month Installment)

लाडकी बहीण योजनेत ऑगस्टच्या हप्त्याची महिला वाट पाहत आहेत. ऑगस्ट महिना संपायला अवघे ४ दिवस उरले आहेत. त्यामुळे ऑगस्टचा हप्ता लांबणीवर जाण्याची शक्यता वर्तवली जात आहे. मात्र, याबाबत कोणतीही अधिकृत माहिती समोर आलेली नाही. जर अजून दोन दिवसांत घोषणा झाली नाही तर लाडकी बहीण योजनेचा हप्ता सप्टेंबर महिन्यातच दिला जाईल.